ടി സിദ്ദിക്കും വിഷ്‌ണുനാഥും വര്‍ക്കിംഗ് പ്രസിഡന്‍റുമാര്‍, കെപി‌സി‌സി പട്ടികയില്‍ സമവായം

കെ പി സി സി വര്‍ക്കിംഗ് പ്രസിഡന്‍റുസ്ഥാനത്തേക്ക് കൊടിക്കുന്നില്‍ സുരേഷിനെയും കെ സുധാകരനെയും കൂടാതെ നാലുപേര്‍ കൂടി. ടി സിദ്ദിക്ക്, പി സി വിഷ്‌ണുനാഥ്, വി ഡി സതീശന്‍, കെ വി തോമസ് എന്നിവരാണ് വര്‍ക്കിംഗ് പ്രസിഡന്‍റുമാരാകുക. 13 വൈസ് പ്രസിഡന്‍റുമാരെയും 36 ജനറല്‍ സെക്രട്ടറിമാരെയും 70 സെക്രട്ടറിമാരെയും ഉള്‍പ്പെടുത്തി ജംബോ ഭാരവാഹിപ്പട്ടിക തന്നെയാണ് ഇത്തവണയും കെ പി സി സിക്ക് ഉള്ളത്. 

അടൂര്‍ പ്രകാശ്, കെ സി റോസക്കുട്ടി, ജോസഫ് വാഴയ്ക്കന്‍, വി എസ് ശിവകുമാര്‍, ശൂരനാട് രാജശേഖരന്‍, ടി എന്‍ പ്രതാപന്‍, എ പി അനില്‍ കുമാര്‍, കെ പി ധനപാലന്‍, സി പി മുഹമ്മദ്, മോഹന്‍ ശങ്കര്‍, എഴുകോണ്‍ നാരായണന്‍, ഒ അബ്ദുറഹ്മാന്‍ കുട്ടി, തമ്പാനൂര്‍ രവി എന്നിവരാണ് വൈസ് പ്രസിഡന്‍റുമാര്‍. 

ജനറല്‍ സെക്രട്ടറിമാരുടെ പട്ടികയില്‍ പത്‌മജ വേണുഗോപാലും ഉള്‍പ്പെടുന്നു. കോഴിക്കോട് ഡിസിസി പ്രസിഡന്റായി യു രാജീവനെ നിയമിക്കും. ഉമ്മന്‍‌ചാണ്ടി, രമേശ് ചെന്നിത്തല, കെ സി വേണുഗോപാല്‍, മുല്ലപ്പള്ളി രാമചന്ദ്രന്‍, മുകുള്‍ വാസ്‌നിക് എന്നിവര്‍ നടത്തിയ ചര്‍ച്ചയിലാണ് അന്തിമവട്ട തീരുമാനമായത്.