കെഎസ്ആർടിസിയിൽ ശമ്പളം വൈകുന്നു; തല മൊട്ടയടിച്ച് വെൽഫെയർ അസോസിയേഷന്‍റെ പ്രതിഷേധം

തിരുവനന്തപുരം ചീഫ് ഓഫീസിന് മുമ്പില്‍ തല മുണ്ഡനം ചെയ്തായിരുന്നു പ്രതിഷേധം.

കെഎസ്ആര്‍ടിസിയില്‍ ശമ്പളം വൈകുന്നതില്‍ പ്രതിഷേധിച്ച് വെല്‍ഫെയര്‍ അസോസിയേഷന്‍ പ്രവർത്തകരുടെ വ്യത്യസ്ത പ്രതിഷേധം. തിരുവനന്തപുരം ചീഫ് ഓഫീസിന് മുമ്പില്‍ തല മുണ്ഡനം ചെയ്തായിരുന്നു പ്രതിഷേധം.

കെഎസ്ആർടിസിയിലെ അംഗീകൃത നാല് ട്രേഡ് യൂണിയനുകൾ വിവിധ ആവശ്യങ്ങൾ ഉന്നയിച്ച് സെക്രട്ടേറിയറ്റിനു മുന്നിൽ സമരം ചെയ്തു വരികയാണ്. ഇതിനിടയിലാണ് വെൽഫെയർ അസോസിയേഷന്‍റെ വ്യത്യസ്ത പ്രതിഷേധം.

സർക്കാരിനും കെഎസ്ആർടിസിക്കും കൊടുക്കാൻ ഇനി തങ്ങളുടെ കൈയിൽ മുടി മാത്രമാണ് ഉള്ളതെന്നും ഇതിനാലാണ് ഇത്തരത്തിലൊരു പ്രതിഷേധം നടത്തുന്നതെന്നും വെൽഫെയർ അസോസിയേഷൻ പ്രവർത്തകർ പറഞ്ഞു.