എകെജിക്കെതിരെ വിവാദപരാമര്‍ശം നടത്തിയ വി ടി ബല്‍റാമിന് പിന്തുണയുമായി ഷാഫി പറമ്പില്‍ എം എല്‍ എ. ബിഷപിനെ നികൃഷ്ടജീവിയെന്നും എന്‍കെ പ്രേമചന്ദ്രനെ പരനാറിയെന്നും രാഷ്ട്രപതിയായ എപിജെ അബ്ദുള്‍ കലാമിലെ ആകാശത്തേക്ക് വാണം വിട്ടവനെന്നും ആക്ഷേപിച്ച് ഇതുവരെയും ഖേദം പ്രകടിപ്പിക്കാത്തവരാണ് മാര്‍ക്‌സിസ്റ്റ് പാര്‍ട്ടിയുടെ നേതാക്കളെന്നാണ് ഷാഫി പറമ്പില്‍ പറഞ്ഞത്.
തോട്ടം തൊഴിലാളി സ്ത്രീകൾക്കും സ്കൂൾ പ്രിൻസിപ്പലിനും മറ്റേ പണിയാണെന്ന് ആക്ഷേപിച്ച ഒരു മന്ത്രിയുമുളള സിപി‌എം, ഭീഷണിപ്പെടുത്തിയോ ആക്രമിച്ചോ വി.ടി.ബൽറാമിനെക്കൊണ്ടു മാപ്പു പറയിക്കാമെന്നു കരുതേണ്ടെന്നും ഷാഫി വ്യക്തമാക്കി.
വി.എസ്. അച്ചുതാനന്ദനെ കാമഭ്രാന്തനെന്നു വിളിച്ച ഗണേഷ്കുമാറിനു വേണ്ടി വോട്ടു പിടിച്ചവരാണ് ഡി.വൈ.എഫ്.ഐ. ബല്‍‌റാമിനെക്കൊണ്ട് മാപ്പുപറയിപ്പിക്കാനുള്ള അർഹതയൊന്നും അവര്‍ക്കില്ലെന്നും ഡീൻ കുര്യാക്കോസ് നടത്തിയ ജനകീയ വിചാരണാ യാത്രയിൽ പ്രസംഗിക്കവെ ഷാഫി കൂട്ടിച്ചേര്‍ത്തു.
