രാമലീല കാണാന്‍ ദിലീപ് ഉണ്ടാകുമോ?
രാമലീല ദിലീപിനു കാണാന്‍ കഴിയുമോ?
കൊച്ചിയില്‍ നടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിന്റെ ജാമ്യാപേക്ഷ പരിഗണിക്കുന്നത് സെപ്തംബര്‍ 26നാണ്. താരത്തിന്റെ രാമലീല എന്ന ചിത്രത്തിന്റെ റിലീസ് സെപ്തംബര്‍ 28നും. താരത്തിനു ജാമ്യം കിട്ടുമോ എന്ന ആകാംഷയിലാണ് ആരാധകര്‍.
ഇത് മൂന്നാം തവണയാണ് ദിലീപ് ജാമ്യത്തിനായി ഹൈക്കോടതിയെ സമീപിക്കുന്നത്. ഒക്ടോബര്‍ ആദ്യവാരം ദിലീപിനെതിരായ കുറ്റപത്രം സമര്‍പ്പിക്കും. ഇതിനാല്‍ ജാമ്യം ലഭിക്കുന്നതിനായുള്ള അവസാന ശ്രമമായിരിക്കും ഇത്. ദിലീപിനു തന്റെ പുതിയ ചിത്രമായ രാമലീല കാണാനുള്ള ഭാഗ്യം ഉണ്ടാകുമോ എന്നാണ് ആരാധകരും സിനിമാലോകവും ഉറ്റു നോക്കുന്നത്.
അതേസമയം, ദിലീപിന്റെ രാമലീല തകര്‍ക്കണമെന്ന ആഹ്വാനവും സോഷ്യല്‍ മീഡിയകളില്‍ നടക്കുന്നുണ്ട്. സിനിമ വിജയിക്കരുതെന്നും ബഹിഷ്കരിക്കണമെന്നും ആഹ്വാനങ്ങള്‍ നടക്കുന്നുണ്ട്. ഇതോടെ സംവിധായകന്‍ അരുണ്‍ ഗോപിക്കും രാമലീലക്കും പിന്തുണയര്‍പ്പിച്ച് സിനിമാതാരങ്ങള്‍ രംഗത്തെത്തുകയും ചെയ്തു.
