വന്ദേമാതരം പാടാനറിയാതെ ബിജെപി നേതാവ്; സോഷ്യല്‍ മീഡിയയില്‍ ട്രോളുകളുടെ പൊടിപൂരം
വന്ദേമാതരം പാടാനറിയാതെ ബിജെപി വക്താവ്; സോഷ്യല്‍ മീഡിയയില്‍ ട്രോളുകളുടെ പൊടിപൂരം
എന്ത് വിഷയവും നിസാരമായി ട്രോളാനുള്ള ട്രോളന്മാരുടെ കഴിവ് സമ്മതിക്കണം. എന്തിനെയും ട്രോളുകളാക്കുന്ന ഇവര്‍ ഇപ്പോള്‍ ഏറ്റെടുത്തിരിക്കുന്നത് വന്ദേമാതരം സ്കൂളുകളിലും സര്‍ക്കാര്‍ സ്ഥാപനങ്ങളിലും നിര്‍ബന്ധമാക്കണമെന്ന് ബിജെപി വാദിക്കുന്നതിനിടയില്‍ പാര്‍ട്ടി നേതാവ് ചാനല്‍ ചര്‍ച്ചയില്‍ വന്ദേമാതരം ആലപിച്ചതാണ്.
ചാനല്‍ ചര്‍ച്ചയ്ക്കിടെയുണ്ടായ വെല്ലുവിളി ഏറ്റെടുത്ത് വന്ദേമാതരം പാടാന്‍ ശ്രമിച്ച ബിജെപി വക്താവ് നവീന്‍ കുമാര്‍ സിംഗാണ് പുലിവാല്‍ പിടിച്ചത്. ഒരു ദേശീയ ചാനലില്‍ നടന്ന സംവാദ പരിപാടിയില്‍ ആള്‍ ഇന്ത്യാ മുസ്ലീം വ്യക്തിനിയമ ബോര്‍ഡ് അംഗം മുഫ്തി ഇജാസ് അര്‍ഷാദ് ഖാസിമിയുടെ വെല്ലുവിളി ഏറ്റെടുത്താണ് നവീന്‍ പാടിയത്. ആദ്യത്തെ രണ്ട് വരി പാടിയ നവീന്‍ പാടാന്‍ കഴിയാതെ പിന്മാറുകയായിരുന്നു. ഇതാണ് ട്രോളുകള്‍ക്ക് വഴിതെളിയിച്ചത്. നവീന്‍ പാടുന്ന വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലാണ്.
