എടക്കാട് ബറ്റാലിയന്‍ 06 എന്ന സിനിമയുടെ ചിത്രീകരിക്കുന്നതിനിടെ നടന്‍ ടൊവീനോ തോമസിന് പൊള്ളലേറ്റിരുന്നു. ആരുടെയോ പുണ്യം കൊണ്ട് കാര്യമായി ഒന്നും പറ്റിയില്ലെന്നായിരുന്നു ഇതേതുടര്‍ന്ന് ടൊവിനോയുടെ പ്രതികരണം. സംഭവത്തിൽ ആയിഷ ഹന്നാ എന്ന ആരാധിക എഴുതിയ കുറിപ്പ് വൈറലാകുന്നു. എന്ന അക്കൗണ്ടില്‍ നിന്ന് സിനിമാ പാരഡൈസോ ക്ലബ്ബില്‍ പോസ്റ്റ് ചെയ്ത കുറിപ്പിൽ പറയുന്നതിങ്ങനെ:
പ്രിയപ്പെട്ട ടോവിനോ,ദൈവാനുഗ്രഹം കൊണ്ട് ഇന്നലെ ഒരു അപകടത്തില്‍ നിന്ന് രക്ഷപെട്ട വിവരം അറിഞ്ഞു. അങ്ങയുടെ മേല്‍ എപ്പോഴും ആ ദൈവാനുഗ്രഹം ഉണ്ടായിരിക്കട്ടെ എന്നാശംസിച്ചു കൊണ്ട് ചില കാര്യങ്ങള്‍ അങ്ങയുടെ ശ്രദ്ധയില്‍ പെടുത്താന്‍ ആഗ്രഹിക്കുന്നു.ഒരു നായക നടന്റെ പ്രധാന കൈമുതല്‍ എന്ന് പറയുന്നത് അയാളുടെ ബാഹ്യ സൗന്ദര്യം തന്നെയാണ്. അതിനെന്തെങ്കിലും കോട്ടം തട്ടിയാല്‍ താങ്കളുടെ സിനിമ ജീവിതം വരെ തകര്‍ന്നു പോവാന്‍ സാധ്യത ഉണ്ട്.ഡ്യൂപ്പുകള്‍ ഇത്തരം സംഘട്ടന രംഗങ്ങള്‍ ചെയ്തും അപകടങ്ങള്‍ തരണം ചെയ്തും വളരെയേറെ പ്രവര്‍ത്തി പരിചയമുള്ളവരാണ്.
അവരുടെ ജോലി ചെയ്യാന്‍ അവരെ അനുവദിക്കൂ. താങ്കളുടെ ജോലി അഭിനയമാണ്. താങ്കള്‍ അത് വൃത്തിയായി ചെയ്യുന്നുമുണ്ട്. ദയവു ചെയ്ത് ആവേശം കൂടി ഇത്തരം ‘തീക്കളി ‘ കളിക്കരുത്. മറ്റു ചില സംഘട്ടന രംഗങ്ങള്‍ പോലെ അല്ല തീ കൊണ്ടുള്ള കളി. ഒരു ചെറിയ അപാകത പോലും താങ്കളെ ശക്തമായ രീതിയില്‍ ബാധിച്ചേക്കും.
അഭിനയത്തോടുള്ള താങ്കളുടെ ആവേശവും അഭിനിവേശവും അര്‍പ്പണബോധവും എല്ലാം മനസിലാക്കി കൊണ്ട് തന്നെ പറയുന്നു.. ഇത്തരം സാഹസികത ഭാവിയില്‍ ഒഴിവാക്കണം. നമുക്കു ആവശ്യമുള്ളത് താങ്കളിലെ നടനെയാണ്. ദൈവാനുഗ്രഹങ്ങള്‍ ഉണ്ടായിരിക്കട്ടെ.
