ലോൿസഭാ തെരഞ്ഞെടുപ്പിലേക്ക് മത്സരിക്കുന്ന പാലക്കാട് എൽ ഡി എഫ് സ്ഥാനാർത്ഥി എം ബി രാജേഷിന് അഭിനന്ദനങ്ങൾ നേർന്ന് സംവിധായകൻ ആഷിഖ് അബു. പാലക്കാടിന്റെ സമഗ്രമായ വികസന പ്രവത്തനങ്ങൾ തുടർന്ന് കൊണ്ടുപോകാനും, വിവേകിയായ ജനപ്രതിനിധിയെ വർധിച്ച ഭൂരിപക്ഷത്തോടെ വീണ്ടും പാർലമെന്റിലേക്ക് തിരഞ്ഞെടുക്കണമെന്ന് ആഷിഖ് ഫേസ്ബുക്ക് വഴി അഭ്യർത്ഥിച്ചു.
പോസ്റ്റിന്റെ പൂർണരൂപം:
എസ് എഫ് ഐ നേതാവായിരുന്ന കാലം മുതൽ സഖാവ് എം ബി രാജേഷിനെ അറിയാം. പിന്നീട് ഡി വൈ എഫ് ഐ സംസ്ഥാന നേതാവെന്ന നിലയിലും ലോകസഭാംഗം എന്ന നിലയിലും രാജേഷ് പക്വതയാർന്ന വളർച്ചയാണ് കൈവരിച്ചത്. വെറുപ്പിന്റെ രാഷ്ട്രീയം നമ്മുടെ നാടിന്റെ ശാന്തികെടുത്താൻ ശ്രമിച്ചപ്പോഴെല്ലാം മാനവികതയുടെ പ്രതിരോധശബ്ദമായി, ഇടതുരാഷ്ട്രീയ നിരയുടെ മുന്നണിപോരാളിയായി രാജേഷ് നിലകൊണ്ടു. ഈ കാലഘട്ടത്തിന്റെ ആവശ്യമാണ് എം ബി രാജേഷിനെ പോലെയുള്ള ജനനേതാക്കൾ. പാലക്കാടിന്റെ സമഗ്രമായ വികസന പ്രവത്തനങ്ങൾ തുടർന്ന് കൊണ്ടുപോകാനും, വിവേകിയായ ജനപ്രതിനിധിയെ വർധിച്ച ഭൂരിപക്ഷത്തോടെ, അഭിമാനത്തോടെ വീണ്ടും പാർലമെന്റിലേക്ക് തിരഞ്ഞെടുക്കാനും പാലക്കാട്ടുകാർ തീരുമാനിച്ചിരിക്കും എന്ന് തന്നെ വിശ്വസിക്കുന്നു. ചുറ്റിക അരിവാൾ നക്ഷത്രം അടയാളത്തിൽ സഖാവ് എം ബി രാജേഷിനെ വിജയിപ്പിക്കാൻ അഭ്യർത്ഥിക്കുന്നു.