വടിവാളുമായെത്തിയ കള്ളന്മാരെ കസേരകൊണ്ട് നേരിട്ട് വൃദ്ധദമ്പതികൾ; വീഡിയോ

ചൊവ്വ, 13 ഓഗസ്റ്റ് 2019 (13:22 IST)
മാരകായുധങ്ങളുമായി വീട്ടിൽ അതിക്രമിച്ചെത്തിയ കള്ളന്മാരെ കസേര കൊണ്ട് നേരിട്ട് വൃദ്ധദമ്പതികൾ. തമിഴ്‌നാട്ടിലെ തിരുനെല്‍വേലിയില്‍ നിന്നുള്ള ദമ്പതികളായ ഷണ്‍മുഖവേല്‍, സെന്താമര എന്നിവരാണ് മോഷ്ടാക്കള്‍ക്ക് ഉഗ്രന്‍ പണികൊടുത്തത്.
 
വീടിന്റെ പോര്‍ച്ചില്‍ കസേരയില്‍ ഇരിക്കുകയായിരുന്ന ഷണ്‍മുഖവേലിനെ മുഖംമറച്ച് പുറകിലൂടെ എത്തിയ മോഷ്ടാക്കളില്‍ ഒരാള്‍ തുണി കഴുത്തില്‍ക്കെട്ടി പുറകിലേക്ക് വലിക്കുകയായിരുന്നു. ശബ്ദം കേട്ടെത്തിയ ഭാര്യ ചെരുപ്പുകൾ കൊണ്ടും സ്റ്റൂളുകൾ കൊണ്ടും അക്രമികളെ പ്രതിരോധിക്കാനും നേരിടാനും തുടങ്ങി. 
 
പ്രത്യാക്രമണത്തില്‍ പിടിച്ചു നില്‍ക്കാന്‍ കഴിയാതെ വന്നതോടെ ആക്രമികള്‍ ഷണ്‍മുഖവേലിനെ വിട്ട് സെന്താമരയ്ക്ക് നേരെ തിരിഞ്ഞു. എന്നാല്‍ ദമ്പതികള്‍ ചേര്‍ന്ന് കസേരകള്‍ ഉപയോഗിച്ച് മോഷ്ടാക്കളെ തുരത്തുകയായിരുന്നു. സെന്താമരയുടെ കൈകള്‍ക്ക് പരിക്കേറ്റിട്ടുണ്ട്. ഇതിന്റെ സി സി ടി വി ദൃശ്യങ്ങൾ സോഷ്യൽ മീഡിയകളിൽ വൈറലായിരിക്കുകയാണ്. 

വെബ്ദുനിയ വായിക്കുക

അടുത്ത ലേഖനം ഡേ കെയർ കത്തിയമർന്നു, ഒരു കുടുംബത്തിലെ നാല് കുഞ്ഞുങ്ങളടക്കം മരിച്ചത് അഞ്ച് പോന്നോമനകൾ