കന്നട സൂപ്പര്‍താരം പുനീത് രാജ്കുമാറിന്റെ വിയോഗത്തില്‍ കര്‍ണാടകത്തില്‍ ഇതുവരെ 10 പേരാണ് മരണപ്പെട്ടത്. ഇതില്‍ ആത്മഹത്യ ചെയ്തത് ഏഴുപേരാണ്. മൂന്നുപേര്‍ താരത്തിന്റെ മരണവാര്‍ത്തയറിഞ്ഞ ഞെട്ടലില്‍ ഹൃദയാഘാതം വന്നാണ് മരണപ്പെട്ടത്. ആത്മഹത്യ ചെയ്ത പലരും പുനീതിന്റേതുപോലെ തങ്ങളുടെ കണ്ണുകളും ദാനം ചെയ്യണമെന്ന് എഴുതിവച്ചാണ് മരിച്ചത്.
ഒക്ടോബര്‍ 29നായിരുന്നു കര്‍ണാടകയെ ഞെട്ടിച്ച് പുനീത് രാജ്കുമാര്‍ മരണപ്പെട്ടത്. മുപ്പതോളം കന്നട ചിത്രങ്ങളില്‍ പുനീത് നായകനായി അഭിനയിച്ചിട്ടുണ്ട്. കൂടാതെ നിരവധി ജീവകാരുണ്യപ്രവര്‍ത്തനങ്ങളും അദ്ദേഹം നടത്തിയിരുന്നു. 26 അനാഥാലയങ്ങളും 25 സ്‌കൂളുകളും 16 വൃദ്ധ സദനങ്ങളും അദ്ദേഹം നടത്തിയിരുന്നു.
