ഹിമാചല്‍ പ്രദേശിലെ മാണ്ഡിയില്‍ മത്സരിക്കുന്ന ബിജെപി സ്ഥാനാര്‍ഥിയും ബോളിവുഡ് താരവുമായ കങ്കണ റണാവത്തിന്റെ സ്വത്തുവിവരങ്ങള്‍ പുറത്ത്. തിരെഞ്ഞെടുപ്പ് കമ്മീഷന് നല്‍കുന്ന നാമനിര്‍ദേശപത്രികയ്‌ക്കൊപ്പമുള്ള സത്യവാങ്മൂലത്തിലാണ് ഈ വിവരങ്ങളുള്ളത്. 91 കോടിയിലധികം രൂപയുടെ ആസ്തിയാണ് തനിക്കുള്ളതെന്നാണ് കങ്കണ സാക്ഷ്യപ്പെടുത്തിയത്.
5 കോടിയോളം മൂല്യമുള്ള സ്വര്‍ണാഭരണങ്ങള്‍, 50 ലക്ഷം വില വരുന്ന 60 കിലോ വെള്ളി, 3 കോടി രൂപ മൂല്യം വരുന്ന ഡയമണ്ട് ആഭരണങ്ങളും കങ്കണയ്ക്കുണ്ട്. മുംബൈയിലെ ബാന്ദ്രയിലും ചണ്ഡിഗഡിലെ സിരാക്പുരിലും ഹിമാചലിലെ മണാലിയിലും കങ്കണയ്ക്ക് വസ്തുക്കളുണ്ട്. ബാന്ദ്രയിലെ അപാര്‍ട്ട്‌മെന്റ് 23.98 കോടി രൂപ മൂല്യമുള്ളതാണ്. മണാലിയിലേത് 7.97 കോടി രൂപയും. എ മെഴ്‌സിഡസ് ബെന്‍സ്, ഒരു ബിഎംഡബ്യു അടങ്ങുന്ന 3.91 കോടിയുടെ ലക്ഷ്വറി കാറുകള്‍ താരത്തിന് സ്വന്തമായുണ്ട്. സ്റ്റോക് മാര്‍ക്കറ്റില്‍ 21 ലക്ഷം രൂപയും താരത്തിനുണ്ട്. പ്ലസ് ടു വിദ്യഭ്യാസമാണ് കങ്കണയ്ക്കുള്ളത്. കങ്കണക്കെതിരെ മുംബൈയിലെ 2 പോലീസ് സ്റ്റേഷനുകളില്‍ 2 കേസുകളുണ്ടെങ്കിലും ഒന്നിലും പ്രതി ചേര്‍ത്തിട്ടില്ല. മാണ്ഡിയില്‍ അമ്മയ്ക്കും സഹോദരിയ്ക്കും ഒപ്പമെത്തി ഇന്നലെയാണ് കങ്കണ നാമനിര്‍ദേശപത്രിക സമര്‍പ്പിച്ചത്. ജൂണ്‍ ഒന്നിനാണ് മാണ്ഡിയില്‍ തെരെഞ്ഞെടുപ്പ് നടക്കുക.
