ഇന്ത്യയുടെ അമ്പതാമത് ചീഫ് ജസ്റ്റിസായി ധനഞ്ജയ് യശ്വന്ത് ചന്ദ്രചൂഡിനെ നിയമിക്കാൻ സാധ്യത. ചീഫ് ജസ്റ്റിസ് യു യു ലളിതാണ് കേന്ദ്രനിയമ മന്ത്രാലയത്തിന് ശുപാർശ കൈമാറിയത്. നവംബർ ഒമ്പതിന് സത്യപ്രതിജ്ഞ ചെയ്ത് അധികാരമേൽക്കും.
നിയുക്ത ചീഫ് ജസ്റ്റിസിന് രാവിലെ തന്നെ സുപ്രീം കോടതിയിലെ ജഡ്ജസ് ലോഞ്ചിൽ ജഡ്ജിമാരുടെ സാന്നിധ്യത്തിൽ വെച്ച് ചീഫ് ജസ്റ്റിസ് യു.യു. ലളിത് കൈമാറി. ചീഫ് ജസ്റ്റിസ് പദവിയിൽ 2 വർഷത്തെ കാലാവധിയാണ് ഡി വൈ ചന്ദ്രചൂഡിനുള്ളത്. 2024 നവംബർ പത്തിനാകും വിരമിക്കുക.
സുപ്രധാനമായ പല വിധികളും പുറപ്പെടുവിച്ച ഭരണഘടനാ ബെഞ്ചിൽ അംഗമായിരുന്നു. സ്വകാര്യത പൗരന്റെ മൗലികാവകാശം ആണെന്ന ഭരണഘടനാ ബെഞ്ചിന്റെ വിധി എഴുതിയത് ജസ്റ്റിസ് ചന്ദ്രചൂഢ് ആയിരുന്നു. അയോധ്യയിലെ തർക്ക ഭൂമി കേസ്, ശബരിമല യുവതി പ്രവേശന കേസ് എന്നിങ്ങനെ സുപ്രധാന വിധികൾ പ്രസ്താവിച്ച ബെഞ്ചിൽ അംഗമായിരുന്നു. ആധാർ ഭരണഘടനാപരമാണെന്ന ഭരണഘടനാ ബെഞ്ചിന്റെ ഭൂരിപക്ഷ വിധിയോട് വിയോജിച്ച് അദ്ദേഹം എഴുതിയ ഭിന്നവിധിയും ശ്രദ്ധേയമായിരുന്നു.
