വാട്‌സ്ആപ് വഴിയും ഇനി കോവിഡ് വാക്‌സിന്‍ സ്ലോട്ടുകള്‍ ബുക്ക് ചെയ്യാന്‍ സാധിക്കും. കേന്ദ്ര ആരോഗ്യമന്ത്രാലയമാണ് ഇക്കാര്യം അറിയിച്ചത്. ഏറ്റവും ലളിതമായി ബുക്ക് ചെയ്യാന്‍ സാധിക്കുമെന്നതാണ് ഇതിന്റെ പ്രയോജനം. കേന്ദ്ര ഐടി വകുപ്പിനു കീഴിലുള്ള 'MyGov Corona Helpdesk' എന്ന സംവിധാനത്തിലൂടെയാണിത്. 9013151515 എന്ന നമ്പറിലേയ്ക്ക് ബുക്ക് സ്ലോട്ട് (Book Slot) എന്ന് ഇംഗ്ലീഷില്‍ സന്ദേശമയയ്ക്കണം. തുടര്‍ന്ന് ലഭിക്കുന്ന ഒടിപി ഉപയോഗിച്ച് സമീപത്തെ വാക്‌സിനേഷന്‍ കേന്ദ്രത്തിന്റെയും കുത്തിവയ്പ്പിനുള്ള സമയക്രമത്തിന്റെയും വിശദാംശങ്ങള്‍ അറിയാം.
