യുപിഐ പ്ലാറ്റ്ഫോമിൻ്റെ പ്രചാരം വർധിച്ച സാഹചര്യത്തിൽ കറൻസി ഇടപാടുകളെ ഉടൻ തന്നെ ഡിജിറ്റൽ ഇടപാടുകൾ മറികടക്കുമെന്ന പ്രതീക്ഷ പ്രകടിപ്പിച്ച് പ്രധാനമന്ത്രി നരേന്ദ്രമോദി.
2022ൽ 7400 കോടി ഇടപാടുകളാണ് യുപിഐ വഴി നടന്നത്. 126 ലക്ഷം കോടി മൂല്യം വരുന്ന ഇടപാടുകളാണിത്. തദ്ദേശീയമായി വികസിപ്പിച്ചെടുത്ത ഡിജിറ്റൽ പെയ്മെൻ്റ് സംവിധാനമായ യുപിഐ സുരക്ഷിതമാണെന്നതിൻ്റെ ഉദാഹരണമാണ് ഇടപാടുകളിലെ ഈ വർധനയെന്നും മോദി പറഞ്ഞു. സിംഗപൂരിലെ പണമിടപാട് സ്ഥാപനമായ പേ നൗവുമായി യുപിഐ ബന്ധിപ്പിക്കുന്നതിൻ്റെ ഉദ്ഘാടനം നിർവഹിക്കുകയായിരുന്നു പ്രധാനമന്ത്രി.
