കണ്മുന്നിലിട്ട് സഹോദരിയെ പീഡിപ്പിച്ചു, ഒന്നും ചെയ്യാനാകാതെ കൂടപ്പിറപ്പ്; വീട്ടിലെത്തിയതും യുവാവ് തൂങ്ങിമരിച്ചു

സഹോദരിയെ പീഡിപ്പിച്ചു, എതിർക്കാൻ പോലുമാകാതെ യുവാവ്; മനംനൊന്ത് പതിനെട്ടുകാരൻ ആത്മഹത്യ ചെയ്തു

കണ്മുന്നിലിട്ട് സഹോദരിയെ ഗുണ്ടകൾ പീഡിപ്പിച്ചതിന്റെ മനോവിഷമത്തിൽ യുവാവ് ആത്മഹത്യ ചെയ്തു. ദില്ലിയിലെ ജീവൻപാർക്ക് സിർസപൂറിൽ താമസിക്കുന്ന ദീപക്​കുമാർ (18‌) എന്നയാളാണ്​ ഫാനിൽ തൂങ്ങിമരിച്ചത്. കഴിഞ്ഞ ദിവസമായിരുന്നു സംഭവം. 

സഹോദരിയുമൊത്ത് നടന്നുപോകുമ്പോഴാണ് യുവാവിനെ നാലംഗ ഗുണ്ടാസംഘം ആക്രമിച്ചത്. ഇക്കഴിഞ്ഞ ഏഴിനായിരുന്നു​സഹോദരിയെ നാലംഗ ഗുണ്ടാസംഘം പീഡിപ്പിച്ചിച്ചത്. കൂടെയുണ്ടായിരുന്ന ദീപകിന്​ സഹോദരിയെ ഇവരിൽ നിന്ന്​ രക്ഷിക്കാനായില്ല. ഇതിൽ മനംനൊന്താണ് ആത്മഹത്യയെന്നാണ് പൊലീസ് നിഗമനം.

സഹോദരിയെ പീഡിപ്പിച്ചതിന്‍റെ പേരിൽ പ്രദേശത്തെ യുവാക്കളുമായുണ്ടായ കലഹം കുടുംബാംഗങ്ങൾ പൊലീസിനോട്​വെളിപ്പെടുത്തി​. സംഭവം പുറത്തുവന്നതോടെ സ്ത്രീയെ മാനഭംഗപ്പെടുത്താൻ ശ്രമിച്ചതിന്​ഒരുപറ്റം യുവാക്കൾക്കെതിരെ പൊലീസ്​കേസെടുത്ത്​ അന്വേഷണം തുടങ്ങി.