തലശേരിയിൽ ടൂറിസ്റ്റ് ബസ് പുഴയിലേക്ക് മറിഞ്ഞു, മൂന്ന് മരണം; രക്ഷാപ്രവർത്തനം തുടരുന്നു
ടൂറിസ്റ്റ് ബസ് മറിഞ്ഞ് മൂന്ന് മരണം
തലശേരി പാനൂർ പെരിങ്ങത്തൂരിൽ ടൂറിസ്റ്റ് ബസ് പുഴയിലേക്കു മറിഞ്ഞ് മൂന്നു പേർ മരിച്ചു. നിരവധി പേർക്ക് പരുക്ക്. രണ്ടു യാത്രക്കാരും ഒരു ജീവനക്കാരനുമാണ് അപകടത്തിൽ മരിച്ചത്. കൂത്തുപറമ്പ് സ്വദേശി പ്രജിത്താണ് ജീവനക്കാരൻ. മറ്റു രണ്ടുപേരിൽ ഒരാൾ സ്ത്രീയും മറ്റൊരാൾ പുരുഷനുമാണ്.
ബെംഗളൂരു – നാദാപുരം സർവീസ് നടത്തുന്ന ബസ്സാണ് ഇന്ന് രാവിലെ അപകടത്തിൽപെട്ടത്. രാവിലെ അഞ്ചരയോടെ പാലത്തിന്റെ കൈവരി തകർത്ത് ബസ് പുഴയിലേക്കു മറിയുകയായിരുന്നു. പരുക്കേറ്റ ഡ്രൈവറെ ആശുപത്രിയിൽ പ്രവേശിപ്പിച്ചു. അപകടകാരണം വ്യക്തമല്ല.
