Webdunia - Bharat's app for daily news and videos

Install App

സര്‍ജിക്കല്‍ സ്ട്രൈക്ക് ചരിത്രനിമിഷമെന്ന് അമിത് ഷാ, രാജ്യസഭയിലെ ആദ്യപ്രസംഗത്തില്‍ കത്തിക്കയറി ബിജെപി അധ്യക്ഷന്‍

Webdunia
തിങ്കള്‍, 5 ഫെബ്രുവരി 2018 (18:02 IST)
രാജ്യസഭയില്‍ ബിജെപി ദേശീയാധ്യക്ഷന്‍ അമിത് ഷാ ആദ്യമായി പ്രസംഗിച്ചു. അക്ഷരാര്‍ത്ഥത്തില്‍ കത്തിക്കയറിയ പ്രസംഗമെന്നുതന്നെ പറയണം. കോണ്‍ഗ്രസിനെ നിശിതമായി വിമര്‍ശിച്ചുകൊണ്ടുള്ള പ്രസംഗത്തില്‍ ബി ജെ പി സര്‍ക്കാരിന്‍റെ ഭരണനേട്ടങ്ങള്‍ എണ്ണിപ്പറഞ്ഞു.
 
അമിത്ഷാ രാജ്യസഭയില്‍ പ്രസംഗിച്ചുകൊണ്ടിരിക്കെ #ShahSpeaksInRajyaSabha എന്ന ഹാഷ്‌ടാഗ് ട്വിറ്ററില്‍ ട്രെന്‍ഡായി മാറി.
 
ഏഴുപതിറ്റാണ്ടായി ഒരു കുടുംബമാണ് ഇന്ത്യ ഭരിച്ചുകൊണ്ടിരുന്നത്. അവരിലുള്ള വിശ്വാസം ഇന്ത്യയ്ക്ക് നഷ്ടമായപ്പോള്‍ വികസനം വേഗത്തിലാക്കുന്നതിനായാണ് ബി ജെ പി സര്‍ക്കാരിനെ ജനം തെരഞ്ഞെടുത്ത്. ഇന്ന് ജനങ്ങള്‍ക്ക് ശുഭപ്രതീക്ഷയുണ്ട് - അമിത് ഷാ പറഞ്ഞു. 
 
ജി എസ് ടിയില്‍ നിന്നുള്ള പണം പാവങ്ങള്‍ക്ക് പാചകവാതക സബ്സിഡി നല്‍കുന്നതിനും അതിര്‍ത്തിയിലെ പട്ടാളക്കാര്‍ക്കും വൈദ്യുതിയില്ലാത്തവര്‍ക്ക് അത് ലഭ്യമാക്കാനുമൊക്കെയാണ് ഉപയോഗിക്കുന്നത്. എന്നാല്‍ അതിനെ ഗബ്ബര്‍ സിംഗ് ടാക്സ് എന്ന് വിളിച്ച് പരിഹസിക്കുകയാണ് കോണ്‍ഗ്രസ് ചെയ്തത്.
 
രാജ്യത്തെ തൊഴിലില്ലായ്മയ്ക്ക് കാരണം കഴിഞ്ഞ 60 വര്‍ഷത്തിലധികമായി ഇന്ത്യ ഭരിച്ച കോണ്‍ഗ്രസാണ്. തൊഴിലില്ലായ്മ പരിഹരിക്കാന്‍ പല പദ്ധതികള്‍ക്കാണ് കേന്ദ്രസര്‍ക്കാര്‍ രൂപം നല്‍കിയിരിക്കുന്നത്.
 
തുടര്‍ച്ചയായി തെരഞ്ഞെടുപ്പുകളില്‍ ബി ജെ പി ജയിക്കുന്നതിന് പിന്നില്‍ പ്രധാനമന്ത്രി നരേന്ദ്രമോദിയുടെ ശ്രമങ്ങളാണ്. നാടുവാഴിത്ത - മതാധിഷ്ഠിത - ജാതി രാഷ്ട്രീയത്തെയെല്ലാം മോദിസര്‍ക്കാര്‍ പിഴുതെറിഞ്ഞിരിക്കുന്നു. അതിന്‍റെ ഫലമാണ് ഉത്തര്‍പ്രദേശിലെയും ഗുജറാത്തിലെയും ബി ജെ പിയുടെ വിജയം - അമിത് ഷാ വ്യക്തമാക്കി. 
 
അതിര്‍ത്തി സംരക്ഷിക്കാനുള്ള കരുത്ത് ഇന്ത്യയ്ക്കുണ്ടെന്ന് ലോകം തിരിച്ചറിഞ്ഞത് സര്‍ജിക്കല്‍ സ്ട്രൈക്കിലൂടെയാണ്. അതൊരു ചരിത്രനിമിഷമായിരുന്നു. ഇപ്പോഴാണ് കശ്മീരില്‍ ഏറ്റവും സമാധാനപരമായ ജീവിതം പുലരുന്നത്. തീവ്രവാദികളും ഭീകരരുമെല്ലാം ബി ജെ പി ഭരണത്തിലേറിയതോടെ ഇരുമ്പഴികള്‍ക്കുള്ളിലായി - അമിഷ് ഷാ പറഞ്ഞു.
 
മഹാത്മാഗാന്ധിയുടെയും ദീന്‍ ദയാല്‍ ഉപാധ്യായയുടെയും തത്വങ്ങളില്‍ വിശ്വസിക്കുന്ന സര്‍ക്കാരാണ് നരേന്ദ്രമോദിയുടേതെന്നും അമിത് ഷാ വ്യക്തമാക്കി.

അനുബന്ധ വാര്‍ത്തകള്‍

വായിക്കുക

യാത്രാക്കാരനെന്ന വ്യാജേന ഫോൾ ചെയ്തു, മന്ത്രിക്ക് മറുപടി കിട്ടിയില്ല, 9 കണ്ടക്ടർമാരെ സ്ഥലം മാറ്റി കെ ബി ഗണേഷ് കുമാർ

ഓസ്ട്രിയയില്‍ സ്‌കൂളില്‍ വെടിവെപ്പ് വിദ്യാര്‍ത്ഥികള്‍ അടക്കം 10 പേര്‍ കൊല്ലപ്പെട്ടു

Elon Musk vs Donald Trump: ട്രംപ്- മസ്ക് പോര് അടുത്ത ഘട്ടത്തിലേക്ക്,ടെസ്‌ലയ്ക്കുള്ള സർക്കാർ സബ്സിഡി നിർത്തലാക്കുമെന്ന് ട്രംപ്, ടെസ്‌ല ഓഹരികൾ 14 ശതമാനം ഇടിഞ്ഞു

Elon Musk vs Donald Trump: തെണ്ടിത്തരം ചെയ്യരുത്, ഞാന്‍ പിന്തുണച്ചില്ലെങ്കില്‍ താന്‍ വിജയിക്കില്ലായിരുന്നു, ട്രംപ് പീഡോഫൈല്‍, എപ്സ്റ്റീന്റെ പാര്‍ട്ടികളില്‍ പങ്കെടുത്തു: ട്രംപിനെതിരെ തുറന്ന യുദ്ധത്തിന് ഇലോൺ മസ്ക്

മുതിര്‍ന്ന കോണ്‍ഗ്രസ് നേതാവ് തെന്നല ബാലകൃഷ്ണ പിള്ള അന്തരിച്ചു

എല്ലാം കാണുക

ഏറ്റവും പുതിയത്

പ്ലസ് വൺ മൂന്നാം അലോട്ട്‌മെന്റ് പ്രവേശനം: ജൂൺ 16, 17 തീയതികളിൽ

Kerala Rain: തൃശ്ശൂര്‍,കാസർകോട് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി

കോഴിക്കോട് പെൺവാണിഭം: പ്രതികളായ പോലീസുകാർ മുങ്ങി, വീടുകളിൽ പരിശോധന, പാസ്പോർട്ട് കണ്ടെടുത്തു

കെനിയയിൽ വാഹന അപകടത്തിൽ മരിച്ച മലയാളികളുടെ മൃതദേഹം നാട്ടിലെത്തിച്ചു, അന്ത്യോപചാരം അർപ്പിച്ച് മന്ത്രി പി രാജീവ്

സംസ്ഥാനത്ത് മഴ കനക്കുന്നു, അഞ്ച് ജില്ലകളിൽ ഞായർ, തിങ്കൾ ദിവസങ്ങളിൽ റെഡ് അലർട്ട്

അടുത്ത ലേഖനം
Show comments