24 മണിക്കൂറിനിടെ 67,151 പേർക്ക് രോഗം, 1,059 മരണം, രാജ്യത്ത് കൊവിഡ് ബാധിതർ 32,34,475

കഴിഞ്ഞ 24 മണീക്കൂറിനിടെ രാജ്യത്ത് കൊവിഡ് സ്ഥിരീകരിച്ചത് 67,151 പേർക്ക്. ഇതോടെ രാജ്യത്ത് ആകെ കൊവിഡ് സ്ഥിരീകരിച്ചവരുടെ എണ്ണം 32,34,475 ആയി. 1,059 പേരാണ് കഴിഞ്ഞ ദിവസം കൊവിഡ് ബാധിച്ച് മരിച്ചത്. രാജ്യത്ത് കൊവിഡ് ബാധ മൂലം 59,449 പേർക്കാണ് ജീവൻ നഷ്ടമായത്. 

7,07,267 പേരാണ് നിലവിൽ ചികിത്സയിലുള്ളത്. 24,67,759 പേർ രാജ്യത്ത് കൊവിഡിൽനിന്നും രോഗമുക്തി നേടി. 8,23,992 സാമ്പിളുകളാണ് കഴിഞ്ഞ 24 മണിക്കൂറിനിടെ രാജ്യത്ത് പരിശോധനയ്ക്ക് വിധേയമാക്കിയത്. 3,76,51,512 സാമ്പിളുകൾ ഇതുവരെ പരിശോധന നടത്തിയതായി ഐസിഎംആർ അറിയിച്ചു.