ഭീഷണി തുടരുന്നു; ആസിഫാ ബാനുവിന്റെ കുടുംബം നാട് വിട്ടു

ജമ്മു കശ്‌മീരിലെ കത്തുവ ജില്ലയിൽ ക്രൂര ബലാത്സംഗത്തിനിരയായി കൊല്ലപ്പെട്ട ആസിഫാ ബാനുവിന്റെ കുടുംബം നാട് വിട്ടു. പ്രദേശത്തെ ജനങ്ങളില്‍ നിന്നും അക്രമം ഉണ്ടാകാനുള്ള സാധ്യത കണക്കിലെടുത്താണ് കുടുംബം  സുരക്ഷിതമായ സ്ഥലത്തേക്ക് മാറിയതെന്ന് ടൈം​സ് ഓ​ഫ് ഇ​ന്ത്യ റി​പ്പോ​ർ​ട്ട് ചെയ്‌തു.

ആസിഫാ ബാനുവിന്റെ പിതാവ് മുഹമ്മദ് യൂസഫും ഭാര്യയേയും രണ്ട് കുട്ടികളുമാണ് ര​സാ​ന ഗ്രാ​മ​ത്തി​ൽ​ നി​ന്നും പോയത്. വളര്‍ത്തു മൃഗങ്ങളെയും ഇവര്‍ കൊണ്ടു പോയതായാണ് വിവരം. അടുത്ത മാസം കശ്‌മീര്‍ വിട്ടു പോകാന്‍ തീരുമാനിച്ചതായി മുഹമ്മദ് യൂസഫ് പറഞ്ഞു.

മു​ഹ​മ്മ​ദും കു​ടും​ബ​വും സാം​ബ ജി​ല്ല​യിലുള്ള സ​ഹോ​ദ​ര​ന്‍റെ വീ​ട്ടിലേക്ക് മാറിയതായും സൂചനയുണ്ട്.

ര​സാ​ന ഗ്രാ​മ​ത്തിലെ ഹി​ന്ദു സം​ഘ​ട​ന​ക​ളു​ടെ എ​തി​ർ​പ്പ് ആസിഫയുടെ കുടുംബത്തിനെതിരെ ശക്തമായി തുടരുകയാണ്. പെണ്‍കുട്ടിയെ ക്രൂരമായി പീഡിപ്പിച്ച പ്രതികളിലൊരാളും പൊലീസ് ഉദ്യോഗസ്ഥനുമായ ഖ​ജൂ​രി​യ​യെ വി​ട്ട​യ​യ്ക്ക​ണ​മെ​ന്നാ​വ​ശ്യ​പ്പെ​ട്ട്  ബി​ജെ​പി, ഹി​ന്ദു ഏ​ക്താ മ​ഞ്ച് പ്ര​വ​ർ​ത്ത​ക​ർ പ്രകടനം നടത്തിയിരുന്നു.