ചെന്നൈ സ്വദേശിനിയെ മതപരിവർത്തനം നടത്തി തട്ടികൊണ്ടുപോയി:സാകിർ നായിക്കിനെതിരെ എൻഐഎ കേസ്

ഇസ്ലാമിക പ്രഭാഷകൻ സാകിർ നായിക്കിനെതിരെ എൻഐഎ കേസ് രജിസ്റ്റർ ചെയ്‌തു. ചെന്നൈ സ്വദേശിയായ പെൺകുട്ടിയെ മതപരിവർത്തനം നടത്തി തട്ടികൊണ്ടുപോയെന്ന പരാതിയിലാണ് കേസ് രജിസ്റ്റർ ചെയ്‌തിരിക്കുന്നത്.

ലണ്ടനിൽ ഉപരിപഠനത്തിനായി പോയ പെൺ‌കുട്ടിയെ മതപരിവർത്തനം നടത്തി തട്ടികൊണ്ടുപോയതായാണ് കേസ്. ബം​ഗ്ലാദേശ് നാഷണലിസ്റ്റ് പാർട്ടി നേതാവ് എസ് എസ് ഹുസൈന്റെ മകൻ നഫീസിനെതിരെയും എഫ്ഐആർ രജിസ്റ്റർ ചെയ്‌തിട്ടുണ്ട്. ചെന്നൈ സ്വദേശിയായ പെൺകുട്ടിയുടെ അച്ഛന്റെ പരാതിയിൽ നേരത്തെ ക്രൈംബ്രാഞ്ച് കേസ് എടുത്തിരുന്നു.