കാശ്മീരില്‍ ഭീകരാക്രമണം; ഒരു ജവാന് കൊല്ലപ്പെട്ടു, മൂന്നു ജവാന്മാർക്കു പരുക്ക്
ജമ്മുവിൽ സി.ആർ.പി.എഫ് പരിശീലന ക്യാന്പിനു നേരെ ഭീകരാക്രമണം
ജമ്മു കാശ്മീരിലെ പുൽവാമയിലുണ്ടായ ഭീകരാക്രമണത്തിൽ ഒരു ജവാന് വീരമൃത്യു. സി.ആർ.പി.എഫ് ക്യാമ്പിനു നേരെ ഭീകരർ നടത്തിയ ചാവേർ ആക്രമണത്തിലാണ് ജവാൻ വീരമൃത്യു വരിച്ചത്. മൂന്ന് ജവാന്മാര്‍ക്ക് പരുക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
കാശ്മീർ താഴ്‌വരയിലെ ലെത്പോറയിൽ സി.ആർ.പി.എഫിന്റെ 185ആം ബറ്റാലിയൻ ക്യാമ്പിനു നേരെ പുലർച്ചെ രണ്ട് മണിയോടെയായിരുന്നു ആക്രമണം. സൈനിക വേഷത്തിലെത്തിയ ഭീകരർ ഗ്രനേഡുകൾ എറിഞ്ഞ് ഭീകരാന്തരീക്ഷം സൃഷ്ടിക്കുകയും തലങ്ങും വിലങ്ങും നിറയൊഴിക്കുകയായിരുന്നുവെന്നാണ് റിപ്പോര്‍ട്ട്.
