സെപ്റ്റംബറോടെ എടിഎമ്മുകളില്‍ നിന്ന് 500ന്റെ നോട്ടുകള്‍ വിതരണം ചെയ്യുന്നത് നിര്‍ത്താന്‍ ആര്‍ബിഐ ബാങ്കുകളോട് ആവശ്യപ്പെട്ടിട്ടുണ്ടോ? സത്യം ഇതാണ്

രാജ്യത്തുടനീളമുള്ള ബാങ്കുകളോട് ആവശ്യപ്പെട്ടിട്ടുണ്ടെന്ന വൈറല്‍ പോസ്റ്റിന് ഔദ്യോഗികമായി മറുപടി നല്‍കി സര്‍ക്കാര്‍.

2025 സെപ്റ്റംബറോടെ എടിഎമ്മുകളില്‍ നിന്ന് ? 500 നോട്ടുകള്‍ വിതരണം ചെയ്യുന്നത് നിര്‍ത്താന്‍ റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) രാജ്യത്തുടനീളമുള്ള ബാങ്കുകളോട് ആവശ്യപ്പെട്ടിട്ടുണ്ടെന്ന വൈറല്‍ പോസ്റ്റിന് ഔദ്യോഗികമായി മറുപടി നല്‍കി സര്‍ക്കാര്‍. തെറ്റായ വിവരങ്ങള്‍ പൊളിച്ചെഴുതുന്ന സര്‍ക്കാരിന്റെ ഔദ്യോഗിക സോഷ്യല്‍ മീഡിയ അക്കൗണ്ടായ പിഐബി ഫാക്റ്റ് ചെക്ക്, വ്യാപകമായി പ്രചരിക്കുന്ന ഒരു വാട്ട്സ്ആപ്പ് പോസ്റ്റിന്റെ പകര്‍പ്പ് പങ്കിടുകയും അവകാശവാദം തള്ളിക്കളയുകയും ചെയ്തു. 

'2025 സെപ്റ്റംബര്‍ 30 ഓടെ എടിഎമ്മുകളില്‍ നിന്ന് 500% നോട്ടുകളും വിതരണം ചെയ്യുന്നത് നിര്‍ത്താന്‍ ആര്‍ബിഐ എല്ലാ ബാങ്കുകളോടും ആവശ്യപ്പെട്ടിട്ടുണ്ട്. 2026 മാര്‍ച്ച് 31 ഓടെ എല്ലാ ബാങ്കുകളുടെയും എടിഎമ്മുകളില്‍ 75% ഉം പിന്നീട് 90% എടിഎമ്മില്‍ 100 ഉം നോട്ടുകള്‍ മാത്രമേ വിതരണം ചെയ്യൂ എന്നതാണ് ലക്ഷ്യം. ഇനി മുതല്‍ എടിഎമ്മില്‍ നിന്ന് ?200, ?100 നോട്ടുകള്‍ മാത്രമേ വിതരണം ചെയ്യൂ. അതിനാല്‍ ഇപ്പോള്‍ മുതല്‍ നിങ്ങളുടെ കൈയിലുള്ള ?500 നോട്ടുകള്‍ ലിക്വിഡേറ്റ് ചെയ്യാന്‍ തുടങ്ങൂ,' എന്നാണ് സോഷ്യല്‍ മീഡിയ പ്ലാറ്റ്ഫോമുകളില്‍ പ്രചരിക്കുന്ന വ്യാജ സന്ദേശം പറയുന്നത്. 

അതേസമയം, രാജ്യത്തെ കേന്ദ്ര ബാങ്ക് അത്തരം ഒരു വിവരവും ബാങ്കുകള്‍ക്ക് നല്‍കിയിട്ടില്ലെന്നും ആര്‍ബിഐയുടെ പിന്തുണയുള്ള ?500 നോട്ടുകള്‍ നിയമപരമായ ടെന്‍ഡറായി തുടരുമെന്നും സര്‍ക്കാര്‍ വ്യക്തമാക്കി.ഇത്തരം 'തെറ്റായ വിവരങ്ങള്‍' ഒഴിവാക്കണമെന്നും എല്ലാ സോഷ്യല്‍ മീഡിയ ഉപയോക്താക്കളും ഔദ്യോഗിക ഉറവിടങ്ങളില്‍ നിന്നുള്ള വാര്‍ത്തകള്‍ വിശ്വസിക്കുകയോ മറ്റുള്ളവരുമായി പങ്കിടുകയോ ചെയ്യുന്നതിനുമുമ്പ് അവയുടെ ആധികാരികത പരിശോധിക്കണമെന്നും സര്‍ക്കാര്‍ ജനങ്ങളോട് മുന്നറിയിപ്പ് നല്‍കി.