പിതാവ് പാമ്പിനെ തല്ലിക്കൊന്നപ്പോൾ മറ്റൊരു പാമ്പ് മകനെ കടിച്ചുകൊന്നു

ഭോപ്പാൽ: പിതാവ് ഒരു പാമ്പിനെ തല്ലിക്കൊന്നപ്പോൾ മണിക്കൂറുകൾക്കുള്ളിൽ മറ്റൊരു പാമ്പ് ഇയാളുടെ മകനെ കടിച്ചു കൊന്നു. മധ്യപ്രദേശിലെ സിഹോറയിലാണ് സംഭവം. സിഹോറയിലെ ബുധനി ജോഷിപൂരിലെ കിഷോരിലാലിന്റെ മകൻ രോഹിത്ത് എന്ന പന്ത്രണ്ടുകാരനാണ് പാമ്പുകടിയേറ്റു മരിച്ചത്.

രണ്ട് ദിവസം മുമ്പായിരുന്നു കൂലിപ്പണിക്കാരനായ കിഷോരിലാൽ വീടിനടുത്ത് കണ്ട പാമ്പിനെ തല്ലിക്കൊന്നത്. എന്നാൽ അതെ ദിവസം രാത്രി രണ്ട് മണിയോടെ ഉറങ്ങിക്കിടന്ന മകന്റെ കാലിൽ മറ്റൊരു പാമ്പ് കടിക്കുകയായിരുന്നു. ഉടൻ തന്നെ മകനെ ഹോഷംഗാബാദിലെ ജില്ലാ ആശുപത്രിയിൽ എത്തിച്ചെങ്കിലും വഴിമധ്യേ ബാലൻ മരിച്ചു. ബാലനെ കടിച്ച പാമ്പിനെയും വീട്ടുകാർ തല്ലിക്കൊന്നു.