ദേശീയ ഗുസ്തി ഫെഡറേഷന്‍ പ്രസിഡന്റായി മുന്‍ അധ്യക്ഷന്‍ ബ്രിജ് ഭൂഷണ്‍ സിങ്ങിന്റെ വിശ്വസ്തന്‍ തിരെഞ്ഞെടുക്കപ്പെട്ടതില്‍ പ്രതിഷേധിച്ച് തനിക്ക് ലഭിച്ച പത്മശ്രീ പുരസ്കാരം മടക്കി നല്‍കി ഗുസ്തി താരം ബജ്‌റംഗ് പുനിയ. ഇക്കാര്യം ചൂണ്ടിക്കാട്ടി അദ്ദേഹം പ്രധാനമന്ത്രിക്ക് കത്തയച്ചു.
ഗുസ്തി ഫെഡറേഷന്‍ തിരെഞ്ഞെടുപ്പിന് പിന്നാലെ താന്‍ ഗുസ്തി വിടുന്നതായി ഇന്ത്യയുടെ ഒളിമ്പിക് മെഡല്‍ ജേതാവായ സാക്ഷി മാലിക് പ്രഖ്യാപിച്ചിരുന്നു. ജൂനിയര്‍ ഗുസ്തി താരങ്ങളെ ലൈംഗികമായി പീഡിപ്പിച്ചതായി ആരോപണം നേരിടുന്ന ബിജെപി എം പി കൂടിയായ ബ്രിജ് ഭൂഷണ്‍ ശരണ്‍ സിങ്ങിന്റെ ബിസിനസ് പങ്കാളിയും അനുയായിയുമായ സഞ്ജയ് സിങ്ങാണ് ഫെഡറേഷന്റെ പുതിയ അധ്യക്ഷന്‍.
