തമിഴ്നാട്ടിലും കേരളത്തിലും ബിജെപിക്ക് നേർവഴിയിലൂടെ അധികാരത്തിലെത്താൻ കഴിയില്ല: ഖുശ്ബു
ബിജെപിയിടെ കളി തമിഴ്നാട്ടിലും കേരളത്തിലും ഏൽക്കില്ല: ഖുശ്ബു
തമിഴ്നാട്ടിൽ ശക്തി പ്രാപിക്കാൻ കുറുക്കുവഴികൾ സ്വീകരിക്കുന്ന ബിജെപി നേതൃത്വത്തിനെതിരെ ആഞ്ഞടിച്ച് നടി ഖുശ്ബു. തമിഴ്നാട്ടിലും കേരളത്തിലും മാന്യമായ രീതിയിൽ ശക്തിപ്രാപിക്കാൻ ബിജെപിക്ക് കഴിയില്ലെന്നും ഇതിനായി ബിജെപി കൃത്രിമവാതിലുകള്‍ സൃഷ്ടിക്കുകയാണെന്നാണ് ഖുശ്ബുവിന്റെ പരാമര്‍ശം.
സംസ്ഥാനങ്ങളുടെ അധികാരങ്ങളില്‍ കടന്നു കയറാന്‍ കേന്ദ്രസര്‍ക്കാര്‍ ശ്രമിക്കുകയാണ്. അവിട തങ്ങളുടെ അജണ്ട നടപ്പാക്കാനാണ് അവര്‍ ശ്രമിക്കുന്നത്. ഏത് വഴിയിലൂടെയും ബിജെപി അധികാരം സൃഷ്ടിച്ചെടുക്കാനാണ് ബി ജെപി ശ്രമിക്കുന്നതെന്നും ഖുശ്ബു അടുത്തിടെ ഒരു അഭിമുഖത്തിൽ വ്യക്തമാക്കുന്നു.
'തമിഴ്നാട്ടിലും കേരളത്തിലും നേര്‍വഴിയിലൂടെ അധികാരത്തിലെത്താന്‍ അവര്‍ക്കാവില്ല. അതുകൊണ്ടാണ് വളഞ്ഞവഴി സ്വീകരിക്കുന്നത്. മോദി പറയുന്നതും പ്രവൃത്തിക്കുന്നതും രണ്ടാണ്. ജനങ്ങള്‍ക്ക് നല്‍കിയ ഒരു വാഗ്ദാനം പോലും പാലിക്കാന്‍ ബിജെപിക്കോ മോദിക്കോ ആയിട്ടില്ല'. - ഖുശ്ബു പറയുന്നു.
