‘പ്രതികരിക്കാന്‍ ഭയമുള്ളവര്‍ ഉണ്ടാകും, എന്നാല്‍ എനിക്ക് പേടിയില്ല’; ഗുര്‍മീത് വിഷയത്തില്‍ നിലപാട് വ്യക്തമാക്കി കിങ് ഖാന്‍
ഗുര്‍മീത് വിഷയത്തില്‍ നിലപാട് വ്യക്തമാക്കി കിങ് ഖാന്‍
പീഡനക്കേസില്‍ ഗുര്‍മീത് റാം റഹീം കുറ്റക്കാരനെന്ന കോടതി വിധിയില്‍ ബോളിവുഡ് സിനിമാ രംഗത്തു നിന്ന് ഒരു പ്രതികരണവും ഉണ്ടായിട്ടില്ല. പബ്ലിക് ഫിഗറെന്ന നിലയ്ക്ക് ഗുര്‍മീതിനെതിരെ പരാമര്‍ശങ്ങള്‍ ഉന്നയിച്ചാല്‍ വിവാദമായേക്കുമെന്ന ഭയമാണ് ഇതിന് കാരണമെന്ന് റിപ്പോര്‍ട്ടുണ്ട്.
എന്നാല്‍ ഗുര്‍മീത് വിഷയത്തില്‍ പ്രതികരണം അറിയിച്ചിരിക്കുയാണ് കിങ് ഖാന്‍ ഷാരൂഖ്. ടോക്ക് ഷോ എന്ന പരിപാടിക്കിടെയായിരുന്നു ഷാരൂഖാന്‍ റാം റഹീമിനെതിരായ കോടതി വിധിയെ പറ്റി പറഞ്ഞത്. റഹീമിന് ശിക്ഷവിധിച്ച കോടതി വിധിയില്‍ സന്തോഷമുണ്ടെന്നും ഷാരൂഖ് പ്രതികരിച്ചു.
ഷാരൂഖ് ഖാന്റെ ഈ പ്രതികരണം എയര്‍ ചെയ്യാന്‍ ചാനല്‍ വിസമ്മതിച്ചെന്നാണ് റിപ്പോര്‍ട്ടുകള്‍. അതേസമയം റാം റഹീമിനെതിരെ ആഞ്ഞടിച്ച് കഴിഞ്ഞ ദിവസം ക്രിക്കറ്റ് താരം ഗൗതം ഗംഭീറും രംഗത്തെത്തിയിരുന്നു. റാം റഹീം എന്താണ് ജനങ്ങളെക്കുറിച്ച് ചിന്തിച്ചിരിക്കുന്നത്. ഗുര്‍മീത് ജനങ്ങളെ തെറ്റിദ്ധരിപ്പിക്കുകയും മതവും ആത്മീയതയും മാര്‍ക്കറ്റ് ചെയ്യുകയുയാണെന്ന് ഗൗതം പറഞ്ഞിരുന്നു.
