Swapnil Kusale, Paris Olympics
പാരീസ് ഒളിമ്പിക്‌സ് ഷൂട്ടിങ്ങില്‍ ഇന്ത്യയ്ക്ക് മൂന്നാം വെങ്കലം. പുരുഷന്മാരുടെ 50 മീറ്റര്‍ റൈഫിള്‍ 3 പൊസിഷനില്‍ ഇന്ത്യയുടെ സ്വപ്നില്‍ കുസാലെയാണ് വെങ്കല മെഡല്‍ സ്വന്തമാക്കിയത്. ആദ്യ 2 പൊസിഷനുകളിലും അഞ്ചാം സ്ഥാനത്തെത്തിയതിന് ശേഷം ശക്തമായ തിരിച്ചുവരവ് നടത്തിയാണ് സ്വപ്നില്‍ മൂന്നാം സ്ഥാനത്തേക്ക് കയറിയത്.
451.4 പോയിന്റുകള്‍ നേടിയാണ് സ്വപ്നില്‍ ഇന്ത്യയ്ക്ക് മൂന്നാം വെങ്കലം സമ്മാനിച്ചത്. പാരീസ് ഒളിമ്പിക്‌സില്‍ ഇന്ത്യ നേടുന്ന മൂന്നാമത്തെ മെഡലാണിത്. ഷൂട്ടിങ്ങിലാണ് 3 മെഡലുകളും ഇന്ത്യ സ്വന്തമാക്കിയത്. 10 മീറ്റര്‍ എയര്‍ പിസ്റ്റളില്‍ മനുഭാക്കറും ഇതേ ഇനത്തിലെ മിക്സഡ് പോരാട്ടത്തില്‍ മനു ഭാക്കര്‍- സരബ് ജോത് സിംഗ് സഖ്യവുമാണ് ഇന്ത്യയ്ക്കായി വെങ്കലമെഡല്‍ നേടിയത്. ഇതിന് പിന്നാലെയാണ് സ്വപ്നിലിന്റെ നേട്ടം.
