പ്രളയത്തിലും സാഹസികമായ രക്ഷാപ്രവര്‍ത്തനം; കേരളത്തെ അഭിനന്ദിച്ച് സച്ചിന്‍ രംഗത്ത്
പ്രളയത്തിലും സാഹസികമായ രക്ഷാപ്രവര്‍ത്തനം; കേരളത്തെ അഭിനന്ദിച്ച് സച്ചിന്‍ രംഗത്ത്
സംസ്ഥാനത്തെ ദുരിതത്തിലാഴ്‌ത്തിയ പ്രളയക്കെടുതിയില്‍ ജീവന്‍ പണയംവെച്ച് രക്ഷാപ്രവര്‍ത്തനം നടത്തുന്നവരെ അഭിനന്ദിച്ച് ക്രിക്കറ്റ് ഇതിഹാ‍സം സച്ചിന്‍ തെന്‍‌ഡുല്‍ക്കര്‍.
“ രക്ഷാപ്രവര്‍ത്തിന് മുന്നില്‍ നില്‍ക്കുന്ന ഇന്ത്യന്‍ വ്യോമ, നാവിക, കരസേനകളെയും മറ്റ് രക്ഷാപ്രവര്‍ത്തകരെയും അഭിനന്ദിക്കുന്നു. 'നിങ്ങളുടെ ധൈര്യവും കരുണയും ഞങ്ങള്‍ക്ക് പ്രചോദനമാണ്. ദൈവം രക്ഷിക്കട്ടെ“ - എന്നും സച്ചിന്‍ പറഞ്ഞു.
തന്റെ ട്വിറ്റര്‍ പേജിലൂടെയാണ് സച്ചിന്‍ രംഗത്തുവന്നത്. സംസ്ഥാനത്തെ മഴക്കെടുതിയില്‍ അകപ്പെട്ടവരെ സഹായിക്കണമെന്നാവശ്യപ്പെട്ട് സച്ചിന്‍ നേരത്തയും രംഗത്തു വന്നിരുന്നു. അതേസമയം, മഴക്കെടുതിയില്‍ കുടുങ്ങിയവരെ രക്ഷിക്കാനുള്ള ശ്രമങ്ങള്‍ തുടരുകയാണ്.
