മാരുതി സുസൂക്കിയുടെ പ്രീമിയം ഹാച്ച്‌ബാക്കായ ബലേനോയ്ക്ക് കടുത്ത വെല്ലുവിളിയുമായി അതേ രൂപത്തിലും ഭാവത്തിലും ടൊയോട്ടയുടെ ഗ്ലാൻസാ എത്തുകയാണ്. ഗ്ലാൻസയെ അടുത്ത മാസം ആറിന് ടൊയോട്ട ഇന്ത്യൻ വിപണിയിൽ അവതരിപ്പിക്കും.
കാഴ്ചയിൽ മാത്രമല്ല ഫീച്ചറുകളിലും മാരുതി സുസൂക്കിയുടെ ബലേനോയും ടൊയോട്ട ഗ്ലാൻസയും സമാനമാണ്. ഗ്ലാൻസയുടെ മുൻഭാഗത്തെ ഡിസൈൻശൈലിൽ വ്യക്തമാക്കുന്ന ടീസർ വീഡിയും ടൊയോട്ട പുറത്തുവിട്ടു. ക്രോം ലൈനുകളുള്ള ഗ്രില്ലിൽ ടൊയോട്ടയുടെ ലോഗോ ഒഴിവാക്കിയാൽ പരിശ്കരിച്ച ബലേനോ തന്നെയാണ് ഗ്ലാൻസ.
ഇന്റീരിയറിലും ഗ്ലൻസയും ബലേനോയും തമ്മിൽ 'കാര്യമായ മാറ്റങ്ങൾ ഒന്നുമില്ല. ഡാഷ് ബോർഡും ഡിസൈനുകളുമെല്ലാം ഒരുപോലെ തന്നെ ഇൻഫോർടെയിൻമെന്റ് സിസിറ്റം ഇരു കമ്പനികളുടേത് ആണെകിലും സമാനമായി തന്നെ തോന്നിക്കും. രണ്ട് വേരിയന്റുകളിൽ മാത്രമായിട്ടായിരിക്കും ഗ്ലാൻസ വിപണിയിൽ എത്തുക.
പരിഷ്കരിച്ച മാരുതി സുസൂൽകി ബലേനോയ്ക്ക് കരുത്ത് പകരുന്ന അതേ 1.2 ലിറ്റർ കെ 12 ബി പെട്രോൾ എഞ്ചിനിൽ തന്നെയാവും ടൊയോട്ട ഗ്ലാൻസയും എത്തുക. ഭാവിയിൽ സ്മാർട്ട് ഹൈബ്രിഡ് ടെക്കനോളജിയിൽ വാഹനത്തിന്റെ പുതിയ പതിപ്പ് എത്തുമെന്നും റിപ്പോർട്ടുകൾ ഉണ്ട്. എന്നാൽ ഗ്ലാൻസക്ക് ബാലേനോയേക്കാൾ വില അധികമാവാനാണ് സാധ്യത.
