ഷവോമി എംഐ എ1 റോസ് ഗോള്‍ഡ് വേരിയന്‍റ് വിപണിയില്‍; വിലയോ ?

ഷവോമി എംഐ എ1 റോസ് ഗോള്‍ഡ് വേരിയന്‍റ് വിപണിയില്‍ എത്തി

പ്രമുഖ മൊബൈല്‍ഫോണ്‍ നിര്‍മാതാക്കളായ ഷവോമി തങ്ങളുടെ ആദ്യ ആന്‍ഡ്രോയിഡ് വണ്‍ സ്മാര്‍ട്ട്ഫോണ്‍ എംഐ എ1ന്റെ റോസ് ഗോള്‍ഡ് വേരിയന്റ് അവതരിപ്പിച്ചു. നേരത്തെ ഗോള്‍ഡ്, ബ്ലാക്ക് എന്നീ നിറങ്ങളിലായിരുന്നു ഈ സ്മാര്‍ട്ട്ഫോണ്‍ ഇന്ത്യന്‍ വിപണിയില്‍ ലഭ്യമായിരുന്നത്.

Mi.com എന്ന വെബ്സൈറ്റില്‍ നിന്നോ ഫ്ലിപ്പ്കാര്‍ട്ടില്‍ നിന്നും എംഐ എ1 റോസ് ഗോള്‍ഡ് വേരിയന്റ് വാങ്ങാവുന്നതാണ്. മുന്‍ മോഡലുകളുടെ വിലയായ 14,999 രൂപയ്ക്ക് തന്നെയാണ് എംഐ എ1 ന്‍റെ പുത്തന്‍ വേരിയന്‍റും എത്തിച്ചേര്‍ന്നിരിക്കുന്നത്.

5.5ഇഞ്ച് എച്ച്‌ഡി ഡിസ്പ്ലെയുള്ള ഈ ഫോണ്‍ ആന്‍ഡ്രോയിഡ് 8.0 ഓറിയോയിലാണ് പ്രവര്‍ത്തിക്കുക. 3080mAh ബാറ്ററി, ഓക്ട-കോര്‍ ക്വാല്‍കം സ്നാപ്ഡ്രാഗണ്‍ 625 പ്രൊസസര്‍, 4ജിബി റാം, 64ജിബി സ്റ്റോറേജ്, 12എം‌പി ഡ്യുവല്‍ റിയര്‍ ക്യാമറ, 5എം‌പി സെല്‍ഫി ക്യാമറ, 4ജി കണക്ടിവിറ്റി എന്നീ ഫീച്ചറുകളും ഫോണിലുണ്ട്.