വളർത്തുനായയെ ചുംബിച്ചു, അണുബാധയെ തുടർന്ന് യുവതിയുടെ കൈകാലുകൾ മുറിച്ചുമാറ്റി

ഞായര്‍, 4 ഓഗസ്റ്റ് 2019 (15:57 IST)
വളർത്തുനായയെ ചുംബിച്ചതിനെ തുടർന്നുണ്ടായ അണുബാധയിൽ യുവതിയുടെ കൈകാലുകൾ മുറിച്ചുമാറ്റിയതായി റിപ്പോർട്ട്. ഡൊമിനിക്കൽ റിപ്പബ്ലിക്കിലെ പുൽട്ട കോനയിലാണ് സംഭവം ഉണ്ടായത്. ജർമൻ ഷെപ്പേഡ് ഇനത്തിൽപ്പെട്ട വളർത്തുനായയെ ചുംബിച്ചതിനെ തുടർന്ന് മരിയ ട്രെയ്‌നർ എന്ന യുവതിക്കാണ് കൈകാലുകൾ നഷ്ടമായത്.
 
നായയിൽനിന്നും കപ്‌ളോസൈറ്റോഫിഗ എന്ന അപൂർവ വൈറസ് യുവതിയുടെ ശരീരത്തിൽ പ്രവേശിക്കുകയായിരുന്നു, വൈറസ് ശരീരത്തിൽ പ്രവേശിച്ച് അധികം വൈകാതെ തന്നെ യുവതി അബോധാവസ്ഥയിലായി. യുവതിയുടെ ശരീരം പിങ്ക് നിറമായി മാറുകയും ചർമ്മം മരവിക്കുകയും ചെയ്തു. ഇതോടെ യുവതിയുടെ കൈകളിലെയും കാലുകളിലെയും രക്തം കട്ടപിടീച്ചു.
 
മരിയയെ ഉടൻ തന്നെ ആശുപത്രിയിലെത്തിച്ചെങ്കിലും എന്താണ് സംഭവിച്ചതെന്ന് കണ്ടെത്താൻ വൈകി. ഏഴു ദിവസത്തിന് ശേഷമാണ് വളർത്ത് നായയിൽനിന്നും വൈറസാണ് സ്ത്രീയെ ബാധിച്ചത് എന്ന് കണ്ടെത്തിയത്. അപ്പോഴേക്കും നില ഗുരുതരമായി മാറിയിരുന്നു തുടർന്ന് എട്ട് ശസ്ത്രക്രിയക്ക് വിധേയയാക്കുകയും കൈകാലുകൾ മുറിച്ചുമാറ്റുകയും ചെയ്തതോടെയാണ് യുവതിയുടെ ജീവൻ രക്ഷിക്കാനായത്.

വെബ്ദുനിയ വായിക്കുക

അടുത്ത ലേഖനം വമ്പൻ വിലക്കുറവ്, ഫ്രീഡം സെയിൽ ഓഫറുമായി ആമസോൺ