തിരക്കഥ വരെ ഇംഗ്ലീഷിൽ! പൃഥ്വിരാജിന് അപാര ഓർമശക്തിയാണെന്ന് അഞ്ജലി മേനോൻ

പൃഥ്വിരാജിന് തിരക്കഥ നൽകിയത് ഇംഗ്ലീഷിൽ: അഞ്ജലി മേനോൻ

മലയാളികൾ കാത്തിരുന്ന അഞ്ജലി മേനോൻ ചിത്രം ‘കൂടെ’ റിലീസിനൊരുങ്ങുകയാണ്. പൃഥ്വിരാജ്, നസ്രിയ, പാർവതി എന്നിവരാണ് പ്രധാനകഥാപാത്രത്തെ അവതരിപ്പിക്കുന്നത്. വളരെ ഓർമ ശക്തിയുള്ള ആളാണ് പൃഥ്വിരാജ് എന്ന് അഞ്ജലി മേനോൻ പറയുന്നു. മലയാള മനോരയ്ക്ക് നൽകിയ അഭിമുഖത്തിലാണ് അഞ്ജലി പൃഥ്വിയെ കുറിച്ച് വെളിപ്പെടുത്തുന്നത്. 

പുറത്തു കാണുന്നതിനപ്പുറം ഒരു ‘സോഫ്റ്റ് ആൻഡ് സെൻസിറ്റീവ്’ വശമുണ്ടു പൃഥ്വിരാജിന്. തിരക്കഥ ഒരിക്കൽ വായിച്ചാൽ മതി എല്ലാ കാര്യങ്ങളും അയാൾ മനസ്സിൽ വരച്ചിടും. ഇംഗ്ലിഷിൽ തയ്യാറാക്കിയ തിരക്കഥയാണു പൃഥ്വിക്കു വായിക്കാൻ നൽകിയത്. 

ഒരു പരിധി വരെ റോഡ് മൂവിയാണ് ‘കൂടെ’. സംവിധായകൻ രഞ്ജിത്തും പാർവതിയുമാണു മാതാപിതാക്കളുടെ വേഷത്തിൽ. പൃഥ്വിയുടെ നായികയായി പാർവതി എത്തുമ്പോൾ സഹോദരിയായി എത്തുന്നത് നസ്രിയ ആണ്.