തന്നെ മത്സരിപ്പിക്കാൻ സമ്മതിച്ചില്ലെന്ന് പാർവതി, മഞ്ജുവിനെ വൈസ് പ്രസിഡന്റ് ആക്കാൻ ‘അമ്മ’ ശ്രമിച്ചിരുന്നു! - വെളിപ്പെടുത്തലുമായി നടൻ
പാർവതി പറഞ്ഞത് പോലെ ഒന്നുമല്ല കാര്യങ്ങൾ, അപ്പോൽ മഞ്ജുവോ?
മലയാള താരസംഘടനയായ അമ്മയിലേക്ക് ദിലീപിനെ വീണ്ടും എടുക്കുന്നു എന്ന തീരുമാനം വന്നതോടെ നിരവധി വിവാദങ്ങളാണ് പൊട്ടിമുളച്ചത്. അമ്മയുടെ സംഘടന തിരഞ്ഞെടുപ്പിൽ മത്സരിക്കാൻ ഗ്രഹിച്ചിരുന്നെന്നും എന്നാൽ പലരും ചേർന്ന് തന്നെ പിന്തിരിപ്പിക്കുകയായിരുന്നുവെന്നും നടി പാർവതി ആരോപിച്ചിരുന്നു.
എന്നാൽ പാർവതിയെ ആരും എതിർത്തിട്ടില്ലെന്ന് മോഹൻലാൽ വ്യക്തമാക്കിയിരുന്നു. അമ്മയിൽ സ്ത്രീകൾക്ക് പ്രാധാന്യമില്ലെന്നും സ്ത്രീകളെ തലപ്പത്തിരിക്കാൻ സമ്മതിക്കില്ലെന്നുമായിരുന്നു പാർവതിയടക്കമുള്ള ചില നടിമാർ ആരോപിച്ചിരുന്നത്. എന്നാൽ, സംഭവത്തിൽ പുതിയ വെളിപ്പെടുത്തലുമായി രംഗത്തെത്തിയിരിക്കുകയാണ് നടൻ ബാബു രാജ്.
നേതൃസ്ഥാനത്തേക്ക് സ്ത്രീകളെ കൊണ്ടുവരാന്‍ ആര്‍ക്കും ബുദ്ധിമുട്ട് ഇല്ലായിരുന്നുവെന്ന് ബാബുരാജ് പറയുന്നു.
മാത്രമല്ല നടി മഞ്ജു വാര്യരെ അമ്മ വൈസ് പ്രസിഡണ്ട് സ്ഥാനത്തേക്ക് കൊണ്ടുവരാന്‍ എല്ലാവര്‍ക്കും ആഗ്രഹം ഉണ്ടായിരുന്നുവെന്നും ബാബുരാജ് വെളിപ്പെടുത്തി.
എന്നാല്‍ മഞ്ജു വാര്യര്‍ അതിന് സമ്മതം പറഞ്ഞില്ല. നടിമാര്‍ തെരഞ്ഞെടുപ്പില്‍ മത്സരിക്കുന്നതിനെ അമ്മ എപ്പോഴും പൂര്‍ണ്ണമായും സ്വാഗതം ചെയ്തിട്ടുണ്ടെന്നും ബാബുരാജ് വെളിപ്പെടുത്തി. ആര്‍ക്കും മത്സരിക്കാവുന്നതാണ്. യോഗത്തില്‍ വന്ന് ഫോം ഫില്‍ ചെയ്യാനും വോട്ടു ചോദിക്കാനുമൊക്കെ പലര്‍ക്കും മടിയാണ്. അതൊക്കെ കുറച്ച് ബുദ്ധിമുട്ടുള്ള പണി ആയത് കൊണ്ട് എല്ലാവരും പിന്മാറുകയാണ് പതിവെന്നും ബാബുരാജ് ചാനല്‍ അഭിമുഖത്തില്‍ പറഞ്ഞു.
