ജാർഖണ്ഡ്: ബിജെപി നിർത്തുന്ന സ്ഥാനാർത്ഥി കള്ളനാണെങ്കിലും കൊള്ളക്കാരനാണെങ്കിലും വോട്ട് ചെയ്ത് വിജയിപ്പിക്കണം എന്ന് പ്രവർത്തകരോട് ആഹ്വാനം ചെയ്ത് ജാർഖണ്ഡ് എംപി നിഷികാന്ത് ദുബെ. അമിത് ഷായുടെയും പ്രധാനമന്ത്രി നരേന്ദ്ര മോദിയുടെയും ഏത് തീരുമാനത്തെയും അംഗീകരിക്കണം എന്നും ദുബെയ് പറഞ്ഞു. സംഭവത്തിന്റെ ദൃശ്യങ്ങൾ ഇപ്പോൾ സമൂഹ്യ മാധ്യമങ്ങൾ വഴി പ്രചരിക്കുന്നുണ്ട്.
'ബിജെപി മത്സരിപ്പിക്കുന്നത്, അംഗവൈകല്യമുള്ളയാളോ, കള്ളനോ, കൊള്ളക്കാരനോ, ക്രിമിനലോ ആകട്ടെ, അവരെ നമ്മൾ പിന്തുണക്കണം. അമിത് ഷായുടെയും, പ്രധാനമന്ത്രിയുടെയും തീരുമാനത്തിൽ നമ്മൾ വിശ്വസ്ഥരായിരിക്കണം. കാരണം ബിജെപി കളങ്കിത പാർട്ടിയല്ല. ദേശീയ നേതൃത്വത്തിന്റെ തീരുമാനങ്ങൾ എപ്പോഴും ശരിയായിരിക്കും'. ദുബെ പറയുന്നു. പി ചിദംബരം ജയിലായതുപോലെ സോണിയ ഗാന്ധിയെയും മരുമകൻ റോബർട്ട് വാദ്രയെയും ജയിലിൽ അടച്ചു എന്ന വാർത്ത ഉടൻ കേൾക്കാം എന്നും നിഷികാന്ത് ദുബെ പറയുന്നുണ്ട്.
