42 സി ആർ പി എഫ് ജവാന്മരുടെ മരണത്തിന് ശക്തമായ തിരിച്ചടി നൽകാൻ ഇന്ത്യൻ വ്യോമസേന നിയോഗിച്ചത് 1980ൽ സേനയുടെ ഭാഗമായ മിറാഷ് 2000 പോർ വിമാനങ്ങളെയാണ് 12 മിറാഷ് 2000 പോർ വിമാനങ്ങൾ വെറും 21 മിനിറ്റുകൾ കൊണ്ട് ദൌത്യം കൃത്യമായി പൂർത്തിയാക്കി സുരക്ഷിതമായി മടങ്ങിയെത്തി.
പേരുപോലെ തന്നെയാണ് മിറാഷ് 2000 ന്റെ ആകാശത്തെ പ്രവർത്തനവും'. മരീചികപോലെ തോന്നിക്കും. അതീവ രഹസ്യ നീക്കങ്ങളിലുപയോഗിക്കാവുന്ന ഇത്തമ പോർ വിമാനമാണിത്. അതീ വേഗതയിൽ പറക്കാൻ കഴിവുണ്ട് ഈ ഫ്രഞ്ച് നിർമ്മിത വിമാനങ്ങൾക്ക്. 6.3 ടൺ ഭാരം ചുമക്കാനുള്ള ശേഷിയുള്ളതാണ് മിറാഷ് 2000 പോർ വിമാനങ്ങൾ. ഒരു ഫൈറ്റർ പൈലറ്റിനാണ് വിമാനം പറത്താനാവുക.
ലേസർ ഗൈഡ് ബോംബുകളും ന്യൂക്ലിയർ ക്രൂസ് മിസൈലുകളിലും ഈ വിമാനത്തിൽനിന്നും ശത്രു പാളയത്തിലേക്ക് കൃത്യതയോടെ വർഷിക്കാനാകും.1999ലെ കർഗിൽ യുദ്ധത്തിൽ ഇന്ത്യൻ വ്യോമാക്രമണങ്ങൾക്ക് ചുക്കാൻ പിടിച്ചത് ഇന്ത്യ വജ്ര എന്ന് പേരിട്ടിരിക്കുന്ന മിറാഷ് 2000 വിമാനങ്ങളായിരുന്നു. എം 2000 എം 2000 ടി എച്ച്, എം 2000 ഐ ടി എന്നീ ശ്രേണികളിലായി 44 മിറാഷ് 2000 വിമാനങ്ങൾ ഇന്ത്യൻ വ്യോമ സേനയുടെ ഭാഗമാണ്.
