ഇനി ഒന്നും ഒളിക്കാനില്ല? ശ്രീനിഷിനെ കെട്ടിപ്പിട്ടിച്ച് പേളി, പേടിച്ചുവെന്ന് ശ്രീനിഷ്!
ശ്രീനിഷിനോട് അധികം കമ്പനി വേണ്ടെന്ന് പേളിയുടെ മമ്മി?
ബിഗ് ബോസിൽ ഹൌസിലെ ഓരോ സംഭവങ്ങളും ഏറെ ആകംഷയോടെയാണ് പ്രേക്ഷകർ കാണുന്നത്. ഹൗസിൽ തിളങ്ങി നിൽക്കുന്ന പ്രണയിതാക്കൾ എന്ന നിലയിൽ പേളിയുടെയും ശ്രീനിഷിന്റെയും ഓരോ സംഭാഷണങ്ങളും വളരെ കൌതുകത്തോടെയാണ് എല്ലാവരും കാണുന്നത്.
ഇന്നലെ കഴിഞ്ഞ എലിമിനേഷനിൽ ശ്രീനിഷ്, പേളി, ബഷീർ, ദിയ, അർച്ചന എന്നിവരായിരുന്നു ഉണ്ടായിരുന്നത്. ഇതിൽ പേളിയും അർച്ചനും സേഫ് ആണെന്ന് മോഹൻലാൽ നേരത്തേ അറിയിച്ചു. പേളി സേഫാണെന്ന് അറിയിച്ചത് പേളിയുടെ മമ്മി ആയിരുന്നു. കഴിഞ്ഞ ദിവസത്തെ സാങ്കൽ‌പ്പിക ഫോൺ വിളിയിൽ നന്നായി പെർഫോം ചെയ്തതിന്റെ അടിസ്ഥാനത്തിൽ വിജയിച്ച പേളിക്ക് മമ്മിയോട് സംസാരിക്കാനുള്ള അവസരം ബിഗ് ബോസ് ഒരുക്കിയിരുന്നു.
പേളിയുടെ വസ്ത്രത്തിൽ എപ്പോഴും ഒരു സ്മൈലി ചിഹ്നം കാണും. എന്നാൽ ഇത്തവണത്തെ എലിമിനേഷനിൽ അത് താരത്തിന്റെ കൈകളിൽ ഇല്ലായിരുന്നു. പകരം ശ്രീനിഷിന്റെ ഷർട്ടിലായിരുന്നു അതുണ്ടായിരുന്നത്. ശ്രീനി സേഫാണെന്ന് മോഹൻലാൽ അറിയിച്ചപ്പോൾ പേളി കെട്ടിപിടിച്ച് ആശംസകൾ അറിച്ചു.
പേളി മമ്മിയുമായി സംസാരിച്ചപ്പോൾ ഹാപ്പിയായില്ലേ എന്ന് ശ്രീനി പേളിയോട് ചോദിച്ചു. ഇപ്പോൾ മനസിൽ നിന്ന് വലിയൊരു ഭാരം ഇറങ്ങി പോയെന്നും സമാധാനമായെന്നും പേളി പറഞ്ഞു. മമ്മി ഹാപ്പിയായി ഇരിക്കുന്നു എന്ന് അറിഞ്ഞതിൽ സന്തോഷമുണ്ടെന്നും പേളി പറഞ്ഞു. താനുമായി അധികം കമ്പനി വേണ്ടെന്ന് മമ്മി പറയുമോ എന്ന താൻ പേടിച്ചുവെന്ന് ശ്രീനി തമാശ രൂപേണേ പറഞ്ഞു.
