ഒന്നും ചെയ്യാനാകാതെ വൈല്‍ഡ് കാര്‍ഡ് എന്‍ട്രികള്‍,അനു ജോസഫും പുറത്ത്

ബിഗ് ബോസ് അഞ്ചാം സീസണിലെ മത്സരങ്ങള്‍ കടുപ്പമേറിയതാകുന്നു.വൈല്‍ഡ് കാര്‍ഡ് എന്‍ട്രിയായി ഒടുവിലെത്തിയ അനു ജോസഫ് പുറത്തേക്ക്. ഇതുവരെ വൈല്‍ഡ് കാര്‍ഡ് എന്‍ട്രിയായി എത്തിയ മൂന്ന് പേരും ഹൗസില്‍ നിന്നും വെളിയില്‍ പോയി.നാദിറ, അനു ജോസഫ്, അഖില്‍ മാരാര്‍, റെനീഷ, ജുനൈസ്, അനിയന്‍ മിഥുന്‍, ഷിജു, സെറീന തുടങ്ങിയവര്‍ ആയിരുന്നു ഇത്തവണ നോമിനേഷനില്‍ വന്നത്.

നാദിറയും അനുവും ആയിരുന്നു ഏറ്റവും ഒടുവില്‍ കണ്‍ഫഷന്‍ റൂമിലേക്ക് വിളിപ്പിച്ചത്. ശേഷം മോഹന്‍ലാലാണ് അനു പുറത്തായ വിവരം അറിയിച്ചത്.നാദിറയ്ക്കും അനുവിനും ബ്ലൈന്‍ഡ് ബാന്‍ഡ് കെട്ടിയ ശേഷം രണ്ടു വാതലിലൂടെ പുറത്തേക്ക് കൂട്ടിക്കൊണ്ടു പോകുകയാണ് ചെയ്തത്. നാദിറ വീട്ടിനകത്തേക്കും അനു പുറത്തേക്കും പോയി.