ഈ ധിക്കാരത്തിന് ചിലപ്പോൾ വലിയ വില കൊടുക്കേണ്ടി വരും, കന്യാസ്ത്രീകൾ കുറിച്ചത് പുതുചരിത്രം: സാറാ ജോസഫ്

Webdunia
ചൊവ്വ, 11 സെപ്‌റ്റംബര്‍ 2018 (09:14 IST)
ബിഷപ്പ് ഫ്രാങ്കോ മുളയ്ക്കലിനെതിരെ ലൈംഗിക പീഡന പരാതി ഉന്നയിച്ച കന്യാസ്ത്രീയ്ക്ക് പിന്തുണയുമായി പരസ്യമായി സമരം ചെയ്ത ആറ് കന്യാസ്ത്രീകൾക്ക് പിന്തുണയുമായി എഴുത്തുകാരി സാറ ജോസഫ്. ഫേസ്ബുക്കിലൂടെയായിരുന്നു സാറാ ജോസഫിന്റെ പ്രതികരണം. 
 
പോസ്റ്റിന്റെ പൂർണരൂപം:
 
കന്യാസ്ത്രീകൾ അവരുടെ ശക്തി സ്വയം തിരിച്ചറിയണം.അവർ കഠിനമായി അദ്ധ്വാനിച്ചു സ്വതന്ത്രമായി സ്വന്തം സ്ഥാപനം പടുത്തുയർത്തുന്ന സ്ത്രീ സമൂഹമാണ്. തൊഴിലെടുക്കുന്ന കന്യാസ്ത്രീകൾ അവരുടെ വരുമാനം സ്വന്തമായി ഉപയോഗിയ്ക്കുകയില്ല. അത് സ്വന്തം കമ്യൂണിറ്റിയുടെ വളർച്ചക്കായിട്ടാണ് ഉപയോഗിക്കുന്നത്. കന്യാമഠങ്ങളോട് ചേർന്ന് ഒരു പാട് പാവങ്ങൾക്ക് തൊഴിൽ നല്കുന്ന വിധം കൃഷി, കന്നുകാലി വളർത്തൽ, സ്കൂൾ, ആശുപത്രികൾ തുടങ്ങിയവയും കന്യാസ്ത്രീകൾ പതുക്കെ വളർത്തിക്കൊണ്ടുവരുന്നു. അനാഥാലയങ്ങൾ, വൃദ്ധമന്ദിരങ്ങൾ , തുടങ്ങി സേവനത്തിന്റെ വഴികളും ഒട്ടേറെ.
 
ഇതൊന്നും വിമർശനാതീതമാണെന്ന് ഞാൻ പറയുകയല്ല. സ്ത്രീകളുടെ കൂട്ടായ്മാശക്തിയുടെ മാതൃകകൾ എന്ന നിലയിൽ വിമർശനങ്ങൾക്കപ്പുറത്ത് അനേകം നിലകളിൽ കന്യാസ്ത്രീകൾ മികവ് പുലർത്തുന്നുണ്ട് എന്ന് സൂചിപ്പിക്കുകയാണ്.
 
നിങ്ങൾ രണ്ടേക്കർ തരിശുനിലം കന്യാസ്ത്രീകൾക്ക് നല്കൂ .ഏതാനും വർഷങ്ങൾക്കുള്ളിൽ അവരത് പൂങ്കാവനമാക്കിയിരിക്കും. അവരോടൊപ്പം ചെടികളും മരങ്ങളും പൈക്കളും കോഴിയും താറാവും അനാഥക്കുഞ്ഞുങ്ങളും നിരാലംബ സ്ത്രീകളും വൃദ്ധരും തൊഴിലാളികളും ഒക്കെയടങ്ങിയ ഒരു ലോകവും വളർന്നു വരുന്നുണ്ടാവും.
 
സഹനം ശീലമാക്കിയവരെങ്കിലും, ' നീതിക്കുവേണ്ടി ദാഹിക്കുന്നവർ ഭാഗ്യവാന്മാർ ' എന്ന ക്രിസ്തുവചനം പിന്തുടർന്ന് സ്വന്തം സഹോദരിക്ക് നീതിയ്ക്കായി പോരാടാൻ മുന്നോട്ടുവന്ന ആറു കന്യാസ്ത്രീകൾക്ക് അഭിവാദ്യങ്ങൾ !
 
ഈ ധിക്കാരത്തിന് ചിലപ്പോൾ വലിയ വില കൊടുക്കേണ്ടി വരുമെങ്കിലും ഇവർ ചരിത്രം കുറിച്ചത് ഭാവിയിലെ വലിയ വിമോചനത്തിനാണ്.
 
ഈ സന്ദർഭത്തിൽ സെയിൽസ് ഗേൾസിന്റെ ചരിത്രത്തിലാദ്യമായി മുതലാളിയെ വെല്ലുവിളിച്ചു കൊണ്ട് ചരിത്രം സൃഷ്ടിക്കാനിറങ്ങിയ കല്യാൺ സാരീസിലെ ആറ് സ്ത്രീകളെ ആദരപൂർവം ഓർക്കുന്നു. അവർ ഉണ്ടാക്കിക്കൊടുത്ത നേട്ടമാണ്, ഈയടുത്ത് കേരള സർക്കാർ കൊണ്ടുവന്ന നിയമ പരിരക്ഷ .
 
ഒപ്പം സിനിമാരംഗത്തെ പിടിച്ചുകുലുക്കിയ WC C യിലെ പെൺകുട്ടികളെയും ഓർക്കുന്നു അന്തസ്സോടെ, ആത്മാഭിമാനത്തോടെ, സ്ത്രീകൾ മുന്നോട്ടുവെയ്ക്കുന്ന ഓരോ ചുവടും സമൂഹത്തെ മാറ്റി മറിക്കുക തന്നെ ചെയ്യും.

ജോളിയുടെ മകന്റെ മനസ് വിങ്ങുന്നുണ്ടെന്ന് ഓർക്കണം, അവന്റെ അമ്മയോ ഓർത്തില്ല; കുറിപ്പ്

കടുത്ത വയറുവേദനയുമായി എത്തിയ യുവാക്കൾക്ക് ഗർഭ പരിശോധന കുറിച്ചുനൽകി ഡോക്ടർ !

2000 രൂപ നോട്ടുകൾ പിൻവലിക്കുന്നു?; അച്ചടി നിർത്തിയെന്ന് റിസർവ് ബാങ്ക്; കള്ളപ്പണം തടയാനെന്ന് സൂചന

ബോക്സോഫീസില്‍ കോടികള്‍ വാരി ‘വാര്‍’, കിടിലന്‍ ആക്ഷന്‍ ചിത്രം റെക്കോര്‍ഡുകള്‍ തകര്‍ത്തെറിയുന്നു!

ഒന്നിലധികം ഭർത്താക്കന്മാരുണ്ടാകുന്നത് സ്ത്രീകളുടെ ആരോഗ്യത്തിന് ഗുണകരം; പഠനം പറയുന്നത് ഇങ്ങനെ

അനുബന്ധ വാര്‍ത്തകള്‍

'പതുക്കെ പോകാൻ ആവശ്യപ്പെട്ടു, ശ്രീറാം കേട്ടില്ല‘; വഫയുടെ രഹസ്യമൊഴി ഇങ്ങനെ

ഇന്ത്യയുടെ നടപടി നിയമവിരുദ്ധം, ഇമ്രാൻ ഖാൻ അടിയന്തര യോഗം വിളിച്ചു, പാകിസ്ഥാൻ യുഎന്നിനെ സമീപിച്ചേക്കും

കാമുകിയെ കൊന്ന് കുഴിച്ചിട്ടു, പൊലീസ് പരിശോധനയിൽ കിട്ടിയത് പട്ടിയുടെ ജഡം; ദൃശ്യം സിനിമയെ ഓർമിപ്പിച്ച് ധാരാപുരത്തെ കൊലപാതകം

മൂന്നാം ട്വന്റി-20യില്‍ ആരൊക്കെ പുറത്ത്, അകത്ത് ?; ടീമില്‍ നിര്‍ണായക മാറ്റങ്ങള്‍

അംഗീകരിക്കാൻ സാധിക്കില്ലെന്ന് പാകിസ്ഥാൻ, ഇന്ത്യയുടെ ആഭ്യന്തര വിഷയങ്ങളിൽ പകിസ്ഥാന് എന്ത് കാര്യം ?

പൊലീസ് സ്റ്റേഷനുള്ളിൽ ടിക് ടോക് ഷൂട്ടിംഗ്; നാലുപേര്‍ അറസ്റ്റില്‍

മിഠായി വാങ്ങിത്തരാമെന്ന് പറഞ്ഞ് അഞ്ചുവയസുകാരിയെ പീഡിപ്പിച്ചു; കുട്ടിയുടെ അച്ഛന്റെ സുഹൃത്ത് അറസ്റ്റില്‍

റെഡ്മിയുടെ നോട്ട് 8ഉം നോട്ട് 8 പ്രോയും ഇന്ത്യയിൽ, ഫീച്ചറുകൾ അറിയൂ !

ജോളി സാത്താന്‍ ആരാധിക? വെള്ളിയാഴ്ചകളില്‍ സാത്താന്‍ പൂജ നടത്തി? അധികാരവും സമ്പത്തും നേടാന്‍ മനുഷ്യക്കുരുതിയും ആഭിചാരവും?

ഡിസംബര്‍ ആറിന് അയോധ്യയില്‍ രാമക്ഷേത്ര നിര്‍മ്മാണം തുടങ്ങും'; കോടതിയില്‍ വാദം നടക്കവെ പ്രഖ്യാപനവുമായി ബിജെപി എംപി

അടുത്ത ലേഖനം