Publish Date: Thu, 20 May 2021 (17:04 IST)
Updated Date: Thu, 20 May 2021 (17:06 IST)
ഓപ്പറേഷന് ജാവ തരംഗം തീരുന്നില്ല. എങ്ങു നിന്നും മികച്ച പ്രതികരണമാണ് ലഭിക്കുന്നത്. സംവിധായകരും സിനിമ താരങ്ങളും അടക്കം ചിത്രത്തെ പ്രശംസിച്ചു കൊണ്ട് രംഗത്തെത്തി. ഇപ്പോളിതാ നടനും സംവിധായകനും നിര്മ്മാതാവുമായ അനൂപ് മേനോന് ഓപ്പറേഷന് ജാവയ്ക്ക് കൈയ്യടിച്ചു. അടുത്ത കാലത്തായി പുറത്തിറങ്ങിയ ഏറ്റവും മികച്ച ചിത്രമാണിതെന്നും നടന് പറഞ്ഞു.
'ഓപ്പറേഷന് ജാവ അടുത്ത കാലത്തായി പുറത്തിറങ്ങിയ ഏറ്റവും മികച്ച ചിത്രങ്ങളിലൊന്ന് . തരുണ് മൂര്ത്തി എന്നത് ഓര്മിക്കപ്പെടേണ്ട ഒരു പേരാണ്. താരപദവിയില്ലാത്ത അഭിനേതാക്കളെ ഉപയോഗിച്ച് എടുത്ത ചിത്രം ഒരിക്കല് കൂടി തെളിയിക്കുന്നു എഴുത്തുകാരന്റെയും സംവിധായകന്റെയും സ്ഥാനം. സ്ക്രിപ്റ്റുമായി ബന്ധപ്പെട്ട പേരുകളേക്കാള് വിശ്വസിച്ച നിര്മ്മാതാവിന് എന്റെ സല്യൂട്ട് പോകുന്നു. മുഴുവന് ടീമിനോടും സ്നേഹം.. തീര്ച്ചയായും കാണണം'- അനൂപ് മേനോന് കുറിച്ചു.
75 ദിവസത്തോളം തീയേറ്ററുകളില് പ്രദര്ശിപ്പിച്ച ചിത്രത്തിന്റെ രണ്ടാം ഭാഗത്തിനായി കാത്തിരിക്കുകയാണ് ആരാധകര്. രണ്ടു മൂന്നു വര്ഷങ്ങള്ക്കുള്ളില് ഇത് സംഭവിക്കുമെന്ന ഉറപ്പ് സംവിധായകന് തരുണ് മൂര്ത്തി നല്കി.
