ഉണ്ണി മുകുന്ദന്‍ നായകനായി എത്തിയ മേപ്പടിയാന്‍ എന്ന സിനിമയിലൂടെ ശ്രദ്ധേയനായ ദേശീയ അവാര്‍ഡ് ജേതാവ് വിഷ്ണു മോഹന്‍ വിവാഹിതനായി. ബിജെപി സംസ്ഥാന വൈസ് പ്രസിഡന്റും കോര്‍ കമ്മിറ്റി അംഗവുമായ എന്‍ രാധാകൃഷ്ണന്റെയും അംബികയുടെയും മകള്‍ അഭിരാമിയാണ് വധു. എറണാകുളത്തെ ചേരാനല്ലൂരിലെ വേവ് വെഡിങ് സെന്ററില്‍ ഞായറാഴ്ചയായിരുന്നു വിവാഹം.
മമ്മൂട്ടി, സുരേഷ് ഗോപി, സിദ്ദിഖ്, ബിജുമേനോന്‍, ഉണ്ണി മുകുന്ദന്‍, സൈജു കുറുപ്പ്, കൃഷ്ണകുമാര്‍, കൃഷ്ണപ്രസാദ്, ദേവന്‍, സലിംകുമാര്‍, അനുശ്രീ, മധുപാല്‍ സംവിധായകനായ സത്യന്‍ അന്തിക്കാട്, രഞ്ജി പണിക്കര്‍ തുടങ്ങിയ പ്രമുഖര്‍ വിവാഹത്തില്‍ പങ്കെടുത്തു.
കേന്ദ്രമന്ത്രി വി മുരളീധരന്‍, ഗോവ ഗവര്‍ണര്‍ പി എസ് ശ്രീധരന്‍പിള്ള, ജാര്‍ഖണ്ഡ് ഗവര്‍ണര്‍ സി പി രാധാകൃഷ്ണന്‍, മന്ത്രിമാരായ പി രാജീവ്, റോഷി അഗസ്റ്റിന്‍, എംപിമാരായ ഹൈബി ഈടന്‍, എം എ ആരിഫ്, വി കെ ശ്രീകണ്ഠന്‍, എം കെ രാഘവന്‍ തുടങ്ങിയ പ്രമുഖര്‍ വിവാഹത്തില്‍ പങ്കെടുത്തു.
ഏപ്രില്‍ മാസത്തില്‍ ആയിരുന്നു വിഷ്ണു മോഹന്റെ വിവാഹ നിശ്ചയം നടന്നത്.
