ചലച്ചിത്ര പ്രേമികള്‍ക്ക് ആഘോഷമാക്കാനായി ഈ ആഴ്ചയും ഒടിടി റിലീസിന് തയ്യാറെടുത്ത് പുത്തന്‍ സിനിമകള്‍. കോമഡി,ത്രില്ലര്‍,റൊമാന്‍സ് ജോണറുകളിലായി വിവിധ സിനിമകളാണ് ഈ ആഴ്ച പ്രേക്ഷകരിലേക്കെത്തുന്നത്. തിയേറ്ററുകളില്‍ വലിയ വിജയമായ ധനുഷ് സിനിമയായ രായനും പ്രഭാസ് ചിത്രമായ കല്‍കിയുമാണ് ഈ ആഴ്ചത്തെ പ്രധാന റിലീസുകള്‍.
കല്‍കി 2898 എ ഡി( ആമസോണ്‍ പ്രൈം, നെറ്റ്ഫ്‌ളിക്‌സ്): ലോകമെങ്ങുമുള്ള തിയേറ്ററുകളില്‍ നിന്നും 1000 കോടിയിലധികം കളക്ട് ചെയ്ത സിനിമ ഓഗസ്റ്റ് 22 മുതലാണ് ഒടിടിയിലെത്തുന്നത്. പ്രഭാസിനൊപ്പം അമിതാഭ് ബച്ചന്‍,ദീപിക പദുക്കോണ്‍ എന്ന് തുടങ്ങി വലിയ താരനിരയാണ് സിനിമയില്‍ അണിനിരന്നത്. സിനിമയുടെ ഹിന്ദി പതിപ്പ് നെറ്റ്ഫ്‌ളിക്‌സിലും തമിഴ്,തെലുങ്ക്,കന്നഡ,മലയാളം പതിപ്പുകള്‍ ആമസോണ്‍ പ്രൈമിലും കാണാനാകും.
ധനുഷിന്റെ സിനിമാ കരിയറിലെ അന്‍പതാമത് സിനിമയായി വന്ന രായന്‍ ഓഗസ്റ്റ് 23ന് ആമസോണ്‍ പ്രൈമിലാണ് റിലീസ് ചെയ്യുക. ധനുഷിനൊപ്പം കാളിദാസ് ജയറാം,അപര്‍ണ ബാലമുരളി,സുന്ദീപ് കിഷന്‍,എസ് ജെ സൂര്യ,ദുഷറ തുടങ്ങിയ താരങ്ങളും സിനിമയില്‍ അഭിനയിച്ചിരിക്കുന്നു.
കുഞ്ചാക്കോ ബോബബ് നായകായി എത്തിയ കോമഡി സര്‍വൈവല്‍ ഡ്രാമയായ ഗ്ര്‍ര്‍ ഡിസ്‌നി ഹോട്ട്സ്റ്റാറില്‍ നിലവില്‍ ലഭ്യമാണ്. 2018ല്‍ തിരുവനന്തപുരം മൃഗശാലയില്‍ നിന്ന് ഒരാള്‍ സിംഹത്തിന്റെ കൂട്ടില്‍ വീണ സംഭവത്തെ ആസ്പദമാക്കിയാണ് സിനിമ ഒരുക്കിയിരിക്കുന്നത്.
