സിനിമയിലെ ബാലതാരത്തിനെതിരെ അധിക്ഷേപകരമായി സംസാരിച്ചെന്ന് കാട്ടി തന്റെ മേലെ എടുത്ത പോക്സോ കേസ് റദ്ദാക്കണമെന്ന ആവശ്യവുമായി നടനും സംവിധായകനുമായ ശാന്തിവിള ദിനേശ് സുപ്രീം കോടതിയില്‍/ ഒരു ഓണ്‍ലൈന്‍ സ്ഥാപനത്തിന് നല്‍കിയ അഭിമുഖത്തിലെ പരാമര്‍ശങ്ങളുടെ അടിസ്ഥാനത്തിലാണ് കേസ്. കേസിന് പിന്നില്‍ മലയാളത്തിലെ ഒരു സംവിധായകനാണെന്നാണ് ശാന്തിവിള ദിനേശ് വാദിക്കുന്നത്. ശാന്തിവിള ദിനേശും ചാനല്‍ ഉടമ സുനില്‍ മാത്യുവും ചേര്‍ന്നാണ് സുപ്രീം കോടതിയില്‍ ഹര്‍ജി നല്‍കിയത്.
അതേസമയം ശാന്തിവിള ദിനേശിനെതിരെ മറ്റൊരു കേസും പോലീസ് രജിസ്റ്റര്‍ ചെയ്തിട്ടുണ്ട്. നിര്‍മാതാവ് സാന്ദ്രാ തോമസാണ് പരാതി നല്‍കിയത്. യൂട്യൂബ് ചാനല്‍ വഴി തന്നെ അപമാനിച്ചു എന്ന പരാതിയാണ് സാന്ദ്രാ തോമസ് നല്‍കിയിരിക്കുന്നത്. ശാന്തിവിള ദിനേശ്, ജോസ് തോമസ് എന്നിവര്‍ക്കെതിരെ കൊച്ചി ഇന്‍ഫോപാര്‍ക്ക് സൈബര്‍ പോലീസാണ് കേസെടുത്തിട്ടുള്ളത്.
