ദുരനുഭവം ഉണ്ടായാല്‍ സിനിമയില്‍ കടിച്ചു തൂങ്ങാതെ മറ്റു തൊഴില്‍ തേടി പോകണമെന്ന് ശ്രീലത നമ്പൂതിരി. ഞാന്‍ വരുന്ന സമയത്ത് ഒരുപാട് സിനിമകള്‍ ഉണ്ടായിരുന്നു. പെണ്‍കുട്ടിയുടെ എണ്ണം കുറവായിരുന്നു. ഇന്ന് ഒരുപാട് പെണ്‍കുട്ടികളാണ് സിനിമയില്‍. അഭിനയിക്കാനുള്ള അവസരം കിട്ടുന്നില്ല. ഈ കാലഘട്ടത്തില്‍ പെണ്‍കുട്ടികള്‍ക്ക് ധൈര്യമില്ല. പെട്ടെന്ന് പ്രശസ്ത ആവാനാണ് ഇപ്പോഴത്തെ പെണ്‍കുട്ടികള്‍ സിനിമയിലേക്ക് വരുന്നതെന്നും ശ്രീലത നമ്പൂതിരി പറഞ്ഞു.
ഇപ്പോള്‍ പുറത്തിറങ്ങുന്ന സിനിമകളില്‍ സ്ത്രീകളില്ലല്ലോ, സ്ത്രീകള്‍ വേണ്ട എന്നാണ്, മാത്രവുമല്ല അച്ഛനും അമ്മയും ഒന്നുമില്ല പുതിയ സിനിമകളില്‍, എല്ലാവരും പറയുന്ന പവര്‍ ഗ്രൂപ്പ് ഞാന്‍ കണ്ടിട്ടില്ലെന്നും തനിക്ക് മോശം അനുഭവങ്ങള്‍ ഒന്നും ഉണ്ടായിട്ടില്ലെന്നും ശ്രീലത നമ്പൂതിരി പറഞ്ഞു. അതേസമയം രഞ്ജിത്തിനെതിരെ ആരോപണം ഉന്നയിച്ച ബംഗാളി നടി ഇത്രയും കാലം എവിടെയായിരുന്നുവെന്നും ശ്രീലത ചോദിച്ചു.
