മാലിദ്വീപിലെ പെണ്‍കുട്ടി; ഗ്ലാമറസായി സ്വാസിക
2009 ല്‍ വൈഗ എന്ന തമിഴ് ചിത്രത്തില്‍ നായികയായി അഭിനയിച്ചാണ് സ്വാസിക സിനിമാ ലോകത്തേക്ക് എത്തിയത്
ഗ്ലാമറസ് ചിത്രം പങ്കുവെച്ച് നടി സ്വാസിക. പച്ചയും വെള്ളയും നിറത്തിലുള്ള സ്ട്രിപ്പ്ഡ് കോര്‍ഡ് സെറ്റാണ് താരം ധരിച്ചിരിക്കുന്നത്. ഭര്‍ത്താവ് പ്രേം ജേക്കബിനൊപ്പം മാലിദ്വീപില്‍ അവധിക്കാലം ആഘോഷിക്കുകയാണ് താരം. പ്രേമിനൊപ്പം ഡാന്‍സ് കളിക്കുന്ന വീഡിയോയും സ്വാസിക പങ്കുവെച്ചിട്ടുണ്ട്.
ടെലിവിഷന്‍ താരവും മോഡലുമാണ് പ്രേം. ഏറെ നാളായുള്ള സൗഹൃദത്തിനും പ്രണയത്തിനും ഒടുവിലാണ് ഇരുവരും വിവാഹിതരായത്. കഴിഞ്ഞ ജനുവരി 26 നു തിരുവനന്തപുരത്ത് വെച്ചായിരുന്നു വിവാഹം.
പൂജ വിജയ് എന്നാണ് സ്വാസികയുടെ യഥാര്‍ഥ പേര്. വിജയകുമാറിന്റെയും ഗിരിജയുടെയും മകളായ സ്വാസിക മൂവാറ്റുപുഴ സ്വദേശിനിയാണ്. 2009 ല്‍ വൈഗ എന്ന തമിഴ് ചിത്രത്തില്‍ നായികയായി അഭിനയിച്ചാണ് സ്വാസിക സിനിമാ ലോകത്തേക്ക് എത്തിയത്. 2010 ല്‍ പുറത്തിറങ്ങിയ ഫിഡില്‍ ആണ് താരത്തിന്റെ ആദ്യ മലയാള സിനിമ. പ്രഭുവിന്റെ മക്കള്‍, കട്ടപ്പനയിലെ ഋത്വിക് റോഷന്‍, പൊറിഞ്ചു മറിയം ജോസ്, ചതുരം എന്നിവയാണ് ശ്രദ്ധേയമായ സിനിമകള്‍. വാസന്തി എന്ന സിനിമയിലെ അഭിനയത്തിനു മികച്ച സഹനടിക്കുള്ള സംസ്ഥാന അവാര്‍ഡ് ലഭിച്ചിട്ടുണ്ട്.
