രാജ്യത്തെ കൊവിഡ് പ്രതിരോധപ്രവര്‍ത്തനങ്ങളെ കൃത്യമായി നിരീക്ഷിക്കുന്ന രാഷ്‌ട്രീയനേതാവാണ് രാഹുല്‍ ഗാന്ധി. ഇപ്പോഴത്തെ രീതിയില്‍ മുമ്പോട്ടുപോയാല്‍ രാജ്യം വലിയ ദുരന്തമുഖത്തേക്ക് എത്തുമെന്നാണ് രാഹുല്‍ വിലയിരുത്തുന്നത്.
ഇപ്പോള്‍ രാജ്യത്ത് കൊവിഡ് രോഗികളുടെ എണ്ണം 10 ലക്ഷം കടന്നിരിക്കുകയാണ്. ഇതേ വേഗതയിലാണ് വ്യാപനത്തിന്‍റെ പോക്കെങ്കില്‍ ഓഗസ്റ്റ് 10 ആകുന്നതോടെ രോഗികളുടെ എണ്ണം 20 ലക്ഷം കടക്കുമെന്നാണ് രാഹുല്‍ പറയുന്നത്.
ഈ മഹാമാരിയെ നേരിടാന്‍ സര്‍ക്കാര്‍ കൃത്യവും വ്യക്‍തവുമായ നടപടി കൈക്കൊള്ളണമെന്നും രാഹുല്‍ ഗാന്ധി നിര്‍ദ്ദേശിക്കുന്നു.
