യുവി റിട്ടേൺസ്, വെടിക്കെട്ട് ഇതിഹാസം തിരിച്ചെത്തുന്നു!

ചിപ്പി പീലിപ്പോസ്

ചൊവ്വ, 29 ഒക്‌ടോബര്‍ 2019 (12:42 IST)
ടി20 ക്രിക്കറ്റിന്റെ ജൂനിയറെന്നു വിശേഷിപ്പിക്കപ്പെടുന്ന ടി10നായുള്ള കാത്തിരിപ്പിലാണ് ആരാധകർ. അബുദാബിയില്‍ നടക്കാനിരിക്കുന്ന ടി10 ക്രിക്കറ്റ് ലീഗിലെ മത്സരത്തിനായി കാത്തിരിക്കുന്നവർക്ക് മറ്റൊരു സന്തോഷ വാർത്ത കൂടെയുണ്ട്. ഇന്ത്യയുടെ മുന്‍ ഇതിഹാസ ഓള്‍റൗണ്ടര്‍ യുവരാജ് സിങിന്റെ അരങ്ങേറ്റം കൂടിയാണ് ഇത്തവണത്തെ ടി10 ലീഗ് എന്നതും ഒരു പ്രത്യേകതയാണ്. 
 
ആയതിനാൽ വലിയ പ്രതീക്ഷയോടെയാണ് ഏവരും ഉറ്റുനോക്കുന്നത്. ടി20യേക്കാള്‍ ആവേശകരമായ ടി10നെ കൂടുതല്‍ പേരിലേക്കെത്തിക്കാന്‍ വലിയ ശ്രമങ്ങളാണ് സംഘാടകരുടെ ഭാഗത്തു നിന്നുള്ളത്. വമ്പന്‍ താരനിര തന്നെ ടി10 ലീഗിന്റെ മൂന്നാം സീസണില്‍ അണിനിരക്കുന്നുണ്ട്. 
 
ഷാഹിദ് അഫ്രീഡി, ആന്ദ്രെ റസ്സല്‍, കിരോണ്‍ പൊള്ളാര്‍ഡ്, ഷെയ്ന്‍ വാട്‌സന്‍, ലസിത് മലിങ്ക തുടങ്ങി ലോക ക്രിക്കറ്റിലെ വമ്പന്‍ കളിക്കാരെല്ലാം ടി10 ലീഗില്‍ വിവിധ ഫ്രാഞ്ചൈസികള്‍ക്കായി കളിക്കും. എട്ടു ടീമുകളാണ് കിരീടത്തിനായി പോര്‍ക്കളത്തിലിറങ്ങുക. നവംബര്‍ 15നാണ് ടൂര്‍ണമെന്റ് ആരംഭിക്കുന്നത്.
 
10 ദിവസം മാത്രം ദൈര്‍ഘ്യമുള്ള ടൂര്‍ണമെന്റിലെ മുഴുവന്‍ മല്‍സരങ്ങളും യുഎഇയിലെ സയ്ദ് അന്താരാഷ്ട്ര സ്‌റ്റേഡിയത്തിലാണ്.  

വെബ്ദുനിയ വായിക്കുക

അടുത്ത ലേഖനം ഇന്ത്യന്‍ ക്രിക്കറ്റിന്റെ വളര്‍ച്ചയില്‍ അസൂയ തോന്നുന്നു, ലോകത്തെ മികച്ച ടീമായി തന്നെ ഇന്ത്യ നിലനില്‍ക്കുമെന്ന് ഓസീസ് ഇതിഹാസം