ടീം ഇന്ത്യയേയും വിരാട് കോഹ്ലിയേയും ഓസീസ് താരങ്ങള്‍ ഭയക്കുന്നു; വെളിപ്പെടുത്തലുമായി ഓസീസ് കോച്ച്
ഓസീസിനെ തുരത്തിയ ഇന്ത്യന്‍ ടീമിനു ഇതിലും വലിയ അംഗീകാരം വേറെയെന്ത്?
ഓസ്ട്രേലിയക്കെതിരെയുള്ള ഏകദിന പരമ്പര സ്വന്തമാക്കി ട്വിന്റ20 പരമ്പരയ്‌ക്കൊരുങ്ങുന്ന ഇന്ത്യന്‍ ക്രിക്കറ്റ് ടീമിനെ വാനോളം പുകഴ്ത്തി ഓസീസ് കോച്ച്. നിലവിലുള്ള ഓസ്ട്രേലിയന് ടീമിനു ഇന്ത്യയ്‌ക്കെതിരെ കളിക്കാന്‍ പേടിയാണെന്നായിരുന്നു ഓസീസ് പരിശീലകന്‍ ഡേവിഡ് സെകര്‍ പറഞ്ഞത്.
വിരാട് കോഹ്ലിയെയും ടീം ഇന്ത്യയേയും നിലവിലുള്ള ഓസ്ട്രേലിയന് താരങ്ങള്‍ക്ക് പേടിയാണ്. എതിര്‍ ടീം ആരായാലും അവരെ ഭയപ്പെടാതെ നേരിറ്റുന്നതിനാണ് ഓരോ പരിശീകരും സ്വന്തം ടീമിനെ പഠിപ്പിക്കുക എന്നും ഡേവിഡ് കൂട്ടിച്ചേര്‍ത്തു.
അടുത്ത ലോകകപ്പ് മുന്നില്‍ നില്‍ക്കെ ഓസീസ് ടീമിന്റെ പ്രകടനം അത്ര ശോഭനമല്ല. ലോകകപ്പിനായി തയ്യാറെടുക്കേണ്ട സമയമായിട്ടുണ്ട്. ടീമിന്റെ ദൗര്‍ബല്യം കണ്ടെത്തി അതെല്ലാം ഉടന്‍ പരിഹരിക്കണമെന്നും ടീമിന്റെ താല്‍ക്കാലിക ചുമതലയിലുള്ള പരിശീലകന്‍ വ്യക്തമാക്കി.
