Oval Pitch Fight: മക്കല്ലത്തിന് പിച്ചിന് നടുവിൽ നിൽക്കാം ഇന്ത്യൻ കോച്ചിന് അടുത്ത് പോലും വരാനാകില്ലെ, ട്വിറ്ററിൽ വൈറലായി ചിത്രങ്ങൾ

റബ്ബര്‍ സ്‌പൈക്കുള്ള ഷൂ ധരിച്ചാണ് പിച്ചിന് സമീപം പോയത്. ഇതിന് മുന്‍പ് നടന്ന 4 ടെസ്റ്റിലും ക്യുറേറ്റര്‍മാര്‍ മാന്യമായാണ് പെരുമാറിയത്.

India vs England

അത്യന്തം ആവേശകരമായ ടെസ്റ്റ് സീരീസാണ് ഇത്തവണ ഇന്ത്യയും ഇംഗ്ലണ്ടും തമ്മില്‍ നടക്കുന്നത്. തണുപ്പന്‍ രീതിയില്‍ ആദ്യ 2 ടെസ്റ്റ് മത്സരങ്ങള്‍ കഴിഞ്ഞുപോയെങ്കില്‍ മൂന്നാം ടെസ്റ്റിലെ നാലാം ദിനം മുതല്‍ ഇരുടീമുകളും തമ്മിലുള്ള പോരാട്ടം കടുത്തതായി മാറി. ഇപ്പോഴിതാ നിര്‍ണായകമായ അഞ്ചാം ടെസ്റ്റ് മത്സരത്തിന് മുന്നോടിയായി ഓവല്‍ പിച്ച് ക്യൂറേറ്റര്‍ ലീ ഫോര്‍ട്ടിസുമായി ഉടക്കിയിരിക്കുകയാണ് ഇന്ത്യന്‍ പരിശീലകനായ ഗൗതം ഗംഭീര്‍.

 മത്സരത്തിന് മുന്‍പായി പിച്ച് പരിശോധിക്കാനായി ചെന്ന സമയത്ത് ഗ്രൗണ്ട് സ്റ്റാഫിലൊരാള്‍ ഗംഭീറിനോടും ഇന്ത്യന്‍ സംഘത്തിനോടും പിച്ചിന്റെ രണ്ടര മീറ്റര്‍ അകലം നില്‍ക്കാന്‍ പറഞ്ഞതാണ് തര്‍ക്കത്തിന് കാരണമായത്. ഇന്ത്യന്‍ ബാറ്റിംഗ് പരിശീലകനായ സീതാന്‍ഷു കൊട്ടക്കാണ് സംഭവം വിവരിച്ചത്. തന്റെ ക്രിക്കറ്റ് കരിയറില്‍ ഇങ്ങനൊരു സംഭവം ആദ്യമാണെന്ന് കൊട്ടക് പറയുന്നു.