ഓസ്ട്രേലിയക്കെതിരെ നടക്കുന്ന ടെസ്റ്റ് സീരീസിൽ ഇന്ത്യ വിജയിക്കുന്നത് കാണാനാണ് ആഗ്രഹമെന്ന് പാകിസ്ഥാൻ മുൻ താരം ഷോയേബ് അക്തർ. ഒരു ദിവസം ഉറക്കമുണർന്നപ്പോൾ ഇന്ത്യയെ ഓസീസ് തകർത്തതാണ് കണ്ടത്. 36-9 എന്ന നിലയിൽ ഇന്ത്യ കൂപ്പുക്കുത്തി. പക്ഷേ നിങ്ങൾക്കറിയാമല്ലോ? പ്രതിസന്ധി ഘട്ടങ്ങളിലാണ് യഥാർഥ സ്വഭാവഗുണങ്ങൾ പ്രകടമാകുന്നത്: അക്തർ പറഞ്ഞു.
ഇന്ത്യൻ ടീം അതിന്റെ യഥാർഥ ക്യാരക്‌ടർ പ്രകടമാക്കിയ വിധം അതിശയിപ്പിക്കുന്നു. വളരെ ശാന്തനാണ് രഹാനെ. ഫീൽഡിൽ അലറുകയോ കൈവിട്ട കാര്യങ്ങൾ ചെയ്യുകയോ ചെയ്യുന്നില്ല. രഹാനെയുടെ നായകത്വത്തിന് കീഴിൽ കളിക്കാർ പെട്ടെന്ന് പെർഫോം ചെയ്‌തു.10-15 വർഷം മുൻപ് ഓസീസിനെ പാകിസ്ഥാനോ ഇന്ത്യയോ തോൽപ്പിക്കുമെന്ന് ആരെങ്കിലും കരുതിയിരുന്നോ? എന്നാൽ ഇപ്പോൾ അതും സംഭവിക്കുന്നു.
ഈ പരമ്പര ഇന്ത്യ തന്നെ ജയിക്കണം എന്നാണ് എന്റെ ആഗ്രഹം. കാരണം അത്രയും മികച്ച തിരിച്ചുവരവാണ് ഇന്ത്യ നടത്തിയത്. അക്തർ പറഞ്ഞു.
