ഇന്ത്യൻ പ്രീമിയർ ലീഗ് പുതിയ സീസണിൽ ഇംഗ്ലണ്ട് താരം ജോഫ്ര ആർച്ചർ മുഴുവൻ സീസണും മുംബൈയ്ക്കായി കളിക്കും. ക്രിക് ബസാണ് ഇക്കാര്യം റിപ്പോർട്ട് ചെയ്തത്. കഴിഞ്ഞ ഐപിഎൽ ലേലത്തിൽ വൻതുക മുടക്കി താരത്തെ സ്വന്തമാക്കിയെങ്കിലും പരിക്കിൻ്റെ പിടിയിലായിരുന്ന ആർച്ചർ ഒരു മത്സരം പോലും മുംബൈയ്ക്കായി കളിച്ചിരുന്നില്ല.
ജസ്പ്രീത് ബുമ്രയും ജോഫ്രാ ആർച്ചറുമൊഴികെ ബൗളിംഗിൽ മികച്ച താരങ്ങളാരും തന്നെ മുംബൈ നിരയിലില്ല. കഴിഞ്ഞ സീസണിൽ ആർച്ചറുടെ അഭാവത്തിൽ മികച്ച ബൗളിംഗ് പ്രകടനം നടത്താൻ മുംബൈയ്ക്കായിരുന്നില്ല. ഈ സീസണിൽ ആർച്ചർ തിരിച്ചെത്തുമെങ്കിലും ഐപിഎല്ലിലെ ഏറ്റവും അപകടകാരിയായ ഡെഡ്ലി ജോഡിയാകുമെന്ന് കരുതുന്ന ബുമ്ര- ആർച്ചർ ജോഡി അധികം മത്സരം കളിക്കാൻ സാധ്യത ഏറെ കുറവാണ്.
എങ്കിലും ആർച്ചർ പൂർണ്ണമായി ഫിറ്റ്നെസ് വീണ്ടെടുത്തത് മുംബൈയ്ക്ക് ആശ്വാസമാണ്. ബാറ്റിംഗിൽ മികച്ച യുവതാരങ്ങളും സീനിയർ താരങ്ങളുമുള്ള മുംബൈയ്ക്ക് ഈ സീസണിലും ബൗളിംഗ് തന്നെയാകും തലവേദന സൃഷ്ടിക്കുക. ആർച്ചറിനൊപ്പം ബുമ്രയ്ക്ക് കൂടി കളിക്കാനാകുമെങ്കിൽ ഐപിഎല്ലിലെ ഏറ്റവും മാരകമായ ബൗളിംഗ് കൂട്ടുക്കെട്ടാകാൻ മുംബൈ ജോഡിയ്ക്ക് സാധിക്കും.
