ദക്ഷിണാഫ്രിക്കയ്‌ക്കെതിരായ ടെസ്റ്റ് മത്സരത്തില്‍ സെഞ്ചുറിയുമായി തിളങ്ങി ന്യൂസിലന്‍ഡ് താരം കെയ്ന്‍ വില്യംസണ്‍. ടോസ് നഷ്ടമായി ബാറ്റിംഗിനിരങ്ങിയ ന്യൂസിലന്‍ഡ് ഒടുവില്‍ വിവരം കിട്ടുമ്പോള്‍ 86 ഓവറില്‍ 258 റണ്‍സിന് 2 വിക്കറ്റെന്ന നിലയിലാണ്. കെയ്ന്‍ വില്യംസണിന്റെയും പുതുമുഖതാരം രചിന്‍ രവീന്ദ്രയുടെയും സെഞ്ചുറി പ്രകടനങ്ങളാണ് ന്യൂസിലന്‍ഡിനെതിരെ മികച്ച സ്‌കോറിലെത്തിച്ചത്. രചിന്‍ രവീന്ദ്രയുടെ ടെസ്റ്റിലെ ആദ്യ സെഞ്ചുറി കൂടിയാണിത്.
ആദ്യം ബാറ്റ് ചെയ്ത ന്യൂസിലന്‍ഡിന് തുടക്കം തന്നെ ഓപ്പണര്‍മാരെ നഷ്ടമായി. 39 റണ്‍സിന് 2 വിക്കറ്റെന്ന അവസ്ഥയിലാണ് കെയ്ന്‍ വില്യംസണും രചിന്‍ രവീന്ദ്രയും ക്രീസിലെത്തുന്നത്. സെഞ്ചുറിയോടെ ടെസ്റ്റ് ക്രിക്കറ്റില്‍ 29 സെഞ്ചുറികളുണ്ടായിരുന്ന ഇതിഹാസതാരം ബ്രാഡ്മാനെയും ഇന്ത്യന്‍ ഇതിഹാസതാരം വിരാട് കോലിയേയും വില്യംസണ്‍ മറികടന്നു. നിലവില്‍ കളിക്കുന്ന താരങ്ങളില്‍ 32 സെഞ്ചുറികളുള്ള സ്റ്റീവ് സ്മിത്ത് മാത്രമാണ് കെയ്ന്‍ വില്യംസണിന്റെ പേരിലുള്ളത്. ഫാബുലസ് ഫോറിലെ മറ്റൊരു താരമായ ജോ റൂട്ടിന് 30 സെഞ്ചുറികളാണ് ടെസ്റ്റിലുള്ളത്.
